Around GMA

Article Inside Page

Unity, service, at healthy competition ang handog ng Family Feud ngayong Huwebes (July 10) dahil mapapanood natin ang tapatan ng Armed Forces of the Philippines (AFP) spokespersons at Celebrity Reservists.

Saksihan ang pagalingan sa pagsagot ng survey questions ng real-life heroes at stars na proud reservists.

Mula sa Boses ng Sandatahan, maglalaro ang AFP spokesperson at official representatives ng AFP's major service branches. Mamumuno sa kanilang team si Col. Francel “Franz” Margareth Padilla, ang officer and cybersecurity expert na nakilala bilang first female spokesperson of the AFP.

Makakasama niya sa Boses ng Sandatahan sina Col. Louie Dema-Ala, ang official spokesperson ng Philippine Army; si Col. Ma. Cherry Pie Fernandez, ang Deputy Assistant Chief of Air Staff for Reservist and Retiree Affairs and Acting Chief of the Air Force Public Affairs Office; at si Capt. John Percie “JP” Alcos, ang bagong spokesperson para sa Philippine Navy and Director of the Naval Public Affairs Office.

Maglalaro naman sa Team Para sa Bayan ang showbiz personalities na proud military reservists. Ang magiging leader ng kanilang team ay si Bubbles Paraiso. Siya ay isang model, host, fitness advocate, and proud Army reservist.

Kabilang sa Team Para sa Bayan ang kaniyang fellow reservists mula sa Philippine Navy na sina Nadia Montenegro, Marlon Mance, at Jong Cuenco. Si Jong ay may inihanda pang flute performance ng Family Feud theme song.

Makisaya sa one-of-a-kind episode ng Family Feud ngayong July 10 sa GMA!

“Happiness Overload” ang hatid ng Family Feud kaya subaybayan ang fresh episodes Lunes hanggang Biyernes, 5:40 p.m. sa GMA Network. Mapapanood din ang Family Feud sa GMA Network at Family Feud YouTube channel at sa Family Feud Facebook page.

Para sa home viewers, huwag kalimutang sumali sa Guess to Win promo ng Family Feud para sa pagkakataong manalo ng PhP 20,000.