Around GMA

Article Inside Page

May YouTube channel na rin si Comedy Queen Aiai Delas Alas!

Para sa first vlog ng kanyang online cooking show na pinamagatang "Cooking in the House ng Ina Niyo (C.H.I.N)," ipinakita ni Owe My Love actress ang special recipe niya ng two-piece buttermilk chicken.

Source: Aiai De Alas YouTube channel

Pero nakapagtataka dahil isang kilong karne ng manok ang nasa ibabaw ng lamesa niya kasama ang iba pang ingredients.

“Bakit two-piece, e, isang kilo 'to?” sabi niya. “Para terno siya sa outfit ko.”

Biglang tinanggal ng aktres ang kanyang damit at tumambad ang kanyang two-piece pink bikini outfit.

Natatawa naman ang aktres sa ginawa niyang paghuhubad.

Sabi pa niya, “Natatawa ako sa anak ko napapikit. Hayaan na pampadami ng views.”

Source: Aiai De Alas YouTube channel

Bida rin sa vlog ni Aiai ang Hello Kitty-themed niyang kusina at kitchenware.

Kasunod nito ang pagbibigay ng aktres ng ingredients at instructions sa pagluluto ng buttermilk chicken.

At gaya ng ibang vloggers, may tawag din siya sa kanyang subscribers at viewers, mga Chins.

“Hanggang sa susunod nating episode dito sa C.H.I.N, ibig sabihin Cooking in the House ng Ina Niyo.

“Always remember, mga Chins, expect the best deliciousness!” aniya pa.

Habang isinusulat ang balitang ito ay mayroon nang mahigit 44,600 views ang naturang vlog.

Panoorin ang vlog ni Aiai sa video sa ibaba:

Samantala, ilang celebrities naman ang nagpakita ng suporta sa kanyang YouTube journey gayundin sa matapang at nakaaaliw niyang pagluluto online nang naka-two piece.

Kabilang sa mga ito sina Kapuso Primetime Queen Marian Rivera, Lovi Poe, Aiko Melendez, Winwyn Marquez, John Vic De Guzman, at Lani Misalucha.

Source: msaiaidelasalas (Instagram)

Narito ang listahan ng celebrities na pumasok na rin sa mundo ng vlogging: