Alden Richards, hands-on sa kanyang karakter sa 'Code Grey'
Around GMA
Around GMA
Mans Carpio says release of tax records should undergo judicial review Stray bullet pierces through house in Oton, Iloilo SB19's Josh throws first pitch at White Sox gameArticle Inside Page
Showbiz News
Nakibahagi si Alden Richards sa pagbuo ng kanyang karakter sa 'Code Grey.'
Todo ang paghahanda ni Alden Richards para sa kanyang pagganap bilang Dr. Greyson Lazaro sa upcoming GMA medical drama series na Code Grey.
Ayon sa report ni Aubrey Carampel sa 24 Oras noong Miyerkules, July 29, ibinahagi ng Kapuso actor na nakibahagi siya sa pagbuo ng kanyang karakter sa serye.
"Nagtanong lang ako, "How are we [going] to make this different? Ano 'yung tatak Greyson Lazaro na kapag pinanood nila or kapag nakita nila somewhere. Ano 'yung tatatak kay Greyson? Ah, parang si Greyson 'yan sa Code Grey," kuwento niya.
Dagdag pa niya, "We can't wait for you guys to see it."
Bukod sa pakikipagtulungan sa creative team ng Code Grey, nakikipagkulitan din si Alden sa kanyang mga co-star sa likod ng kamera. Kamakailan lang, gumawa rin sila ng TikTok video kasama si Faith Da Silva.
Makakasama rin sa serye sina Christopher de Leon, Romnick Sarmenta, Andrea Torres, Allen Ansay, Shuvee Etrata, Joross Gamboa, Christian Bautista, Kristoffer Martin, at Jon Lucas.
Samantala, kasalukuyang mapapanood si Alden kasama si Nadine Lustre sa romantic comedy series na Love, Siargao.
RELATED GALLERY: Cast ng upcoming GMA medical drama series na 'Code Grey,' ipinakilala na
