Around GMA

Article Inside Page

Kasadong-kasado na ang upcoming at first-ever movie nina Alden Richards at Julia Montes na Five Breakups and a Romance.

Sa kalagitnaan ng Red Carpet Gala at Official Trailer World Premiere para sa pelikula na ginanap nito lamang October 4, hindi napigilan nina Alden at Julia na magkaiyakan.

Naging emosyonal ang dalawa habang magkasama sila sa stage.

Unang kinuha ni Julia ang pagkakataon upang ibahagi kung gaano kahalaga sa kanya ang movie na ito at ang nakatambal niya si Alden para sa isang pelikula.

Pahayag niya, “I'll take this opportunity, nae-emotional ako… Super proud ako kasi big part siya [Alden Richards] nito. This film is really special to me. This group really made an impact sa akin."

"I think kita naman, 'di ba? No words can express how happy and blessed being part of this film, one for the book talaga ito…,” dagdag pa ni Julia.

Sabi pa ng aktres, “Mayroon po kasi akong mahiyain side and self-doubt, sobrang taas po 'yun sa akin. Pero these two wonderful people [Alden Richards and Direk Irene Villamor] made me realize na I can do it. Sila 'yung nagtiwala.”

Kasunod nito, isang mabigat na pahayag din ang binitiwan ng aktres, “Sabi ko nga po, If they want to jump, I will jump, definitely with them.”

Pagbabahagi naman ni Alden, “When we started this film, Direk Irene, myself, and Julia had our own doubts… We have done different projects in the past…”

Emosyonal na sinabi ni Alden “This film is a blessing to all of us, because mayroong nabuo… Parang kami pong tatlo when we started we were not in a good place in our lives.

Dagdag pa ng tinaguriang Asia's Multimedia Star, “This film, direk, this story has done something in our lives and changed us and made us stronger…”

Samantala, maaaring mapanood ang full trailer ng movie sa video sa ibaba:

Ang Five Breakups and a Romance ay isinulat at idinirek ni Direk Irene Villamor.

Sa darating na October 18, mapapanood na ito sa cinemas nationwide.