Around GMA

Article Inside Page

Achieve na achieve ni Alden Richards ang kanyang fitness goals ngayong taon.

Ayon sa report ni Nelson Canlas sa 24 Oras Weekend noong Sabado, August 1, ibinahagi ni Asia's Multimedia Star na naibalik na niya ang kanyang ideal at healthy weight.

"Ako siguro, 'yung approach ko is not about weight loss. Now that I am 34, my perspective in life is changing as well. It evolves as well," pahayag niya.

Dagdag pa ng aktor, "So, iba ko na tignan 'yung buhay."

Para kay Alden, naniniwala siyang para maging "available" sa mga taong mahal niya sa buhay, kailangan niya munang alagaan ang kanyang sarili.

Ikinuwento rin ng aktor na mas naging aktibo na siya sa pagwo-workout sa gym.

"Sinimulan ko na rin 'yung pagbalik sa gym for workouts, but it's really more of self-care for me to be available to my loved ones," bahagi niya.

Ngunit bukod sa regular na pagwo-workout, sinabi ni Alden na mas pinagtuunan din niya ng pansin ang pagkakaroon ng mas healthy na mindset.

"Hindi lang siya about what I eat, what I do. It's also what I think, what I consume," aniya.

Dagdag niya, "With, of course, what I consume intellect, like 'yung mga pinapanood ko. Iba na 'yung preference ko ngayon. It's a holistic shift, basically."

Bukod sa kanyang fitness goals, kasalukuyang abala si Alden sa paghahanda para sa kanyang karakter bilang Dr. Greyson Lazaro sa upcoming GMA medical drama series na Code Grey.

Samantala, mapapanood din si Alden kasama si Nadine Lustre sa romantic comedy series na Love, Siargao.

Panoorin ang buong balita dito:

Courtesy of GMA News (YT)

RELATED GALLERY: Alden Richards' must-see athleisure looks