Around GMA

Article Inside Page

Napapanahon ang pagpapalabas ng directorial debut film ni Alden Richards na Out of Order.

Ang pelikulang ito na mapapanood sa Netflix simula October 2 ay iprinodyus ng kanyang production company na Myriad Entertainment katuwang ang Viva Film at Studio Viva.

Sa pelikulang ito, hindi lamang husay sa pag-arte ang ipinakita ni Asia's Multimedia Star, ipinamalas din niya ang kanyang malaking potensyal bilang isang direktor.

Sa pamamagitan ng Out of Order, na may tema ng corruption at social injustices, nais ipaalala ni Alden na hindi dapat huminto sa pakikipaglaban sa katarungan.

“The battle for justice is every day. Injustice is very dominant in our society, hindi lang sa Pilipinas. Unfair treatments, people in power are abusing their position.

“I'm just so frustrated with what's happening. Niloloko tayo. Niloloko tayo ng mga people in power.

“I'm brave enough to say that because it's very evident. Hindi ako magtatanga-tangahan sa nakikita ko,” sabi ni Alden sa talkback matapos ang premiere ng Out of Order nitong Linggo ng gabi, September 28, sa Shangri-la Cineplex, Mandaluyong City.

Dagdag pa niya, “That's my favorite quote lately for this movie: justice is not blind it's being blinded. Binubulag ang hustisya para sa mga tao.

“With this film, I hope that it would be a reminder that with courage and as long as we're fighting for the good of all our fellowmen, we can never go wrong when we fight for justice and the truth.

“I hope this film will deliver that message and the reminder to keep on fighting for the truth is everyday of our lives. Ipaglaban natin yung dapat para sa atin all the time.”

Dahil din daw sa paggawa ng pelikulang Out of Order, mas naging interesado si Alden sa paggawa ng mga socially-relevant na pelikula.

Paliwanag niya, “Right now, especially right now, with what's happening, I think, films has to be socially-relevant. Of course, that's one. Moreover that, I wanted to create films that will be appreciated by people who watched it, like across all markets and across all ages. Hindi lang tayo laging nako-confine sa rom-com, sa horror, sa drama.

“I mean, the production world is like a vast land of concepts and opportunities. Ang saya lang na ngayon, kahit papaano, open-minded na rin ang mga Filipino. They are very much willing to consume contents na hindi na doon sa stereotype.”

Related gallery: Celebrities and personalities speak up in fight against corruption

“Kura-caught”

Isa si Alden sa celebrities na naninindigan sa korupsyon. Sa katunayan, minsan pa siyang nag-repost ng isang art card tungkol sa kahulugan ng “Kura-caught.”

Sa panayam ng GMANetwork.com at iba pang entertainment media, hindi itinanggi ni Alden na ni-repost niya ito sa kanyang Instagram story.

“Ni-repost ko yun. Tamaan na ang tamaan,” ani ng actor-director.

“Sabi nga doon sa kanta ni Gloc-9, yun yung favorite line ko doon, sa chorus part, “Bato-bato sa langit, ang tamaan huwag magalit / Ang matamaan, huwag masyadong halata.”

Nangilid naman ang luha sa mata ni Alden nang patuloy niyang ipinaliwanag, “Actually, it's not really more of me paying a lot of taxes every year. It's when I see people suffering, that's what I cannot take not as a taxpayer but as a Filipino.

“Doon ako galit na galit, na kayo, itong mga korap na 'to, nakakatulog kayo sa air-con, sa malalaking bahay. 'Tapos yung mga tao, kapag bumaha o may nangyaring calamity, ultimo family members nila, ultimo buhay nila, nawawala.

“Kaya nila 'yon? I mean, how dare them! That's why I am all for the movement against corruption.”

Bagamat maaaring mahaba-haba pa ang krusadang ito laban sa korupsyon, umaasa si Alden na hindi mawawala ang interes ng mga tao dito.

"Maybe, like si Sir Vince Dizon of DPWH said na hindi agad-agad. This will [take] a very long time because it has been systemic already.

"So, matagal-tagal pero kailangan may gumagalaw. Yun 'yon, e. Huwag nating hayaan na mangyari na naman sa atin, e, bigla na lang itong mabaon sa limot.

"Because that's how I saw it. I've been reviewing past corruption cases in the government, na parang all of a sudden, nakakalimutan siya.

"Tinatapalan ng iba-ibang klaseng balita just so people could forget."

Sa huli, diin ni Alden: "The Filipinos are not stupid. We always remember especially right now with our platforms.

"So huwag kami! Huwag ang Pinoy!"

Related gallery: 'Stars on the Floor' cast stand firm against corruption during 'Trillion Peso March'