Allen Ansay, pinagselosan daw noon si Miguel Tanfelix
Around GMA
Around GMA
'A Knight of the Seven Kingdoms' final trailer sets fun tone for 'Game of Thrones' prequel Over 200 passengers stranded at Cebu City port due to #WilmaPH NAIA is opening more food halls at Terminal 3Article Inside Page
Showbiz News
Alamin ang istorya ng pagseselos ni Allen Ansay kay Miguel Tanfelix dito.
Isang cute at nakakakilig na sikreto ang ibinunyag ng Kapuso actress na si Sofia Pablo tungkol sa kaniyang on-screen partner at special friend na si Allen Ansay sa January 24 episode ng GTV cooking talkshow na Lutong Bahay.
Hindi umatras si Sofia nang tanungin ito ni Mikee Quintos sa “Kitchen-terrogate” ng, “Magbigay ng pangalan ng pinagselosan na ni Allen.”
Dito na ibinunyag ni Sofia na nagselos daw noon si Allen kay Mga Batang Riles star Miguel Tanfelix.
“Noong una, si Miguel. Si kuya Miguel Tanfelix kasi first time niya makita kung paano ako mag-react kapag nakikita ko si Kuya Miguel,” ani Sofia.
Kuwento nito, “Kasama ko po si Allen noon, e nakasalubong ko si Kuya Miguel, [tapos] sabi niya, 'Sofia, beso,' tapos paglagpas niya, sabi ko 'ahhh!' natatawang kuwento ng aktres.
“Talon ako nang talon kasi parang first time ko siyang mabeso kasi hindi ko siya kayang i-approach tapos tili ako nang tili,” dagdag ni Sofia.
Aniya ay tinitigan lang daw siya noon ni Allen tapos hindi na ito pinansin.
Related gallery: Miguel Tanfelix's stunning photoshoots
Kinilatis din naman ni Mikee ang tunay na estado nina Sofia at Allen.
“Waiting for the right time,” sagot ni Sofia. “Waiting for the right time for ligaw pa rin [and] for the approval na puwede nang manligaw from the parents.”
Ayon pa kay Sofia ay nagpapakiramdaman pa rin daw silang dalawa.
“Hindi pa naman po siya direct [na nagtatanong], 'Puwede ba akong manligaw?' Talagang siyempre pakiramdaman.”
Sa ngayon ay happy as special friends ang dalawa at mapapanood sa pinakabagong GMA Afternoon Prime na Prinsesa ng City Jail, Lunes hanggang Biyernes, 3:20 p.m. sa GMA Afternoon Prime at Kapuso Stream.
BALIKAN ANG SOUTH KOREA TRIP NINA ALLEN AT SOFIA RITO:
