Around GMA

Article Inside Page

Ang anak ng multi-awarded Kapuso Drama King na si Dennis Trillo at ng former beauty queen na si Carlene Aguilar na si Calix Ho ay mapapanood sa Family Feud ngayong Martes para sa kanyang unang TV guesting.

Sa "Summer Tawa, Summer Saya" episode ngayong May 5, ipakikilala sa Family Feud si Calix bilang isang student-athlete sa University of the Philippines Diliman. Siya ang University Athletic Association of the Philippines (UAAP) Rookie of the Year at gold medalist sa fencing individual epee event sa Season 88. Samantala, nakasama pa ni Calix ang kanyang supportive parents na sina Dennis at Carlene, pati na rin si Jennylyn Mercado para i-cheer siya sa nakaraang UAAP competition.

Si Calix ay ang tatayong team captain para sa The Untouchabros sa Family Feud. Makakasama niya sa The Untouchabros ang silver medalist in team events na si Luiz Buentipo; ang epee specialist and fellow silver medalist na si Jonathan Ramos; at si Juancho Sese na skilled fencer with a sharp business mind.

PHOTO SOURCE: Family Feud

Sasabak naman sa Team Tibay ang ilang mga athlete na champion sa iba't ibang sports. Pangungunahan ito ni Lara Liwanag, ang two-time CrossFit national champion at Asia's “Clutch Queen” sa Netflix's Physical: Asia. Sasamahan siya ni Johna Dolorito, ang standout National Collegiate Athletic Association (NCAA) volleyball player mula sa Lyceum Lady Pirates; si Chino Sy na powerhouse multi-sport athlete, sambist, and judoka na may two Southeast Asian Games gold medals; at si Patrick Rubin na renowned running coach and specialist in endurance.

Makisaya sa fresh episode ng Family Feud ngayong May 5, 5:35 p.m. sa GMA at sa Kapuso Stream.

Tuloy pa rin ang mas pinalawak na “Guess More, Win More” promo ng Family Feud! Network-wide na ang bigayan ng papremyo dahil kasali na rin sa "Guess More, Win More" ang GMA Afternoon Prime at GMA Prime programs na Born to Shine, House of Lies, Apoy sa Dugo, Fast Talk with Boy Abunda, The Sweetest Taboo, Encantadia Chronicles: Sang'gre at Never Say Die.