Around GMA

Article Inside Page

Excited na sina Andrea Torres at Shuvee Etrata para sa kanilang upcoming GMA medical drama series na Code Grey, at puspusan na ang kanilang paghahanda para sa serye.

Sa report ni Aubrey Carampel sa 24 Oras noong Huwebes, May 28, ibinahagi ng Code Grey stars na nagsimula na silang sumailalim sa suturing workshop.

"Nakakatuwa kasi 'yung Ospital ng Maynila, talagang all-star cast 'yung mga doktor nila na tinuruan kami one-on-one pa," bahagi ni Andrea.

"Sa ngayon, masasabi ko na marunong na ako mag-CPR. Mas na-appreciate ko 'yung character ko as a doctor," dagdag ng aktres.

Maliban sa immersion, sumailalim din si Andrea sa isang acting workshop bilang paghahanda sa kanyang karakter sa serye.

"Kasi doon ko nakukuha 'yung confidence ko. Hindi mo naman matatanggal sa artista na kabahan. So, kukunin mo na lang 'yung confidence mo sa nag-prepare ka ng husto," pahayag niya.

Sumabak din sa immersion si Shuvee para sa kanyang pagganap bilang nurse.

"We were taught a lot of things, especially that my role here needs to be ano talaga, alam mo 'yung needs to be informed talaga sa suture na gamitin. Sa lahat ng equipments ng surgeon, sa lahat ng gusto niyang gamitin," aniya.

Makakasama nina Andrea at Shuvee sa serye sina Alden Richards, Christopher de Leon, Romnick Sarmenta, Faith da Silva, Allen Ansay, Christian Bautista, Joross Gamboa, Kristoffer Martin, at Jon Lucas.

Napapanood din si Shuvee sa The Master Cutter tuwing Lunes hanggang Biyernes pagkatapos ng 24 Oras sa GMA Prime.

Panoorin ang buong balita sa video sa itaas.

Samantala, kilalanin dito ang iba pang cast ng upcoming GMA medical drama series na Code Grey: