Around GMA

Article Inside Page

Naghatid ng kilig at saya sina Shuvee Etrata at Anthony Constantino sa kanilang digital rom-com series na From Vlog to Love.

READ: Meet the cast of rom-com digital series 'From Vlog to Love'

Sa “Unang Balita” ni Athena Imperial para sa Unang Hirit, grateful si Anthony sa oportunidad na gumanap bilang Bullet sa naturang serye. Aminado ang Sparkle actor na marami pa siyang dapat i-improve sa pag-arte.

“I think patience on the camera is something that I can improve on because as a new actor, I tend to rush my emotions,” pagbabahagi niya.

Labis din ang pasasalamat ni Anthony sa kanyang fans dahil sa kanilang pag-suporta sa kanyang showbiz career. Naganap kamakailan ang first fan meet ni Anthony sa Cubao, Quezon City at naka-bonding ang kanyang mga tagasuporta.

Aniya, “It's honestly just crazy that all of these people came here for me and I really feel the love. I really, really feel the love, and I appreciate them so much.”

Bukod dito, nilinaw din ni Anthony na wala silang alitan ng kapwa aktor na si Gerald Anderson sa naganap na celebrity basketball match na Bida Sa Arena: The Rematch.

Matatandaan na naging usap-usapan online ang tila pagkompronta ng ama ni Anthony kay Gerald sa gitna ng umiinit na laban sa pagitan ng Team Sparkle at Team Th3rd Floor.

“We're just two basketball players that love the game and we love to compete. And I will always have respect for Kuya Gerald,” paglinaw niya.

Panoorin ang “Unang Balita” sa video na ito.

Related gallery: Anthony Constantino, the balikbayan heartthrob of Sparkle