Around GMA

Article Inside Page

Muling masasaksihan ang pagalingan ng mga kiddie contestants sa Family Feud kiddie edition!

Ang Family Feud Philippines ay ang kauna-unahang franchise na nagkaroon ng cute na kiddie contestants. Kaya ngayong March 10, magbabalik ang saya at excitement sa pinakabagong episode ng Kiddie Edition.

Ang espesyal na episode na ito ay bahagi ng month-long 4th anniversary special ng Family Feud na “Four-ever ang Tawa, Four-ever ang Saya, Family Feud Four-ever.”

Maglalaro sa The Catwalk Kids ang ilang kiddie modeling competition winners. Sila ay sina Athena Ashley Salanga, ang 11-year-old reigning Junior Miss Universe Kids of the World 2025; si JJ Rivera Ahaja, ang 8-year-old talented voice actor at current Little Mister Kids of the World Philippines 2026; si Bless Medina, ang 9-year-old triple threat sa singing, dancing, and acting, at naghahanda na para sa Kids of the World Junior 2026; at si Khale Montiel ang 9-year-old Junior Mister Kids of the World Ambassador 2025.

PHOTO SOURCE: Family Feud

Makakatapat nila sa Martes ang The Little Royalty na seasoned pageant winners and versatile performers. Sila ay sina Louise Jazlene Jimenez, ang 11-year-old Grand Winner of Little Mr. & Ms. Taytay 2024; Zen Eliamere Silvestre, ang 10-year-old G-Force dancer and honor student; si Owdury Cale Silva, ang 9-year-old pride of Valenzuela City na may background sa professional modeling and acting; at si Melinda Jen Canales, ang 9-year-old creative mula sa Quezon City specializing in acting and drawing.

Abangan ang cute na tapatan na ito sa pagpapatuloy ng month-long 4th anniversary special ng Family Feud ngayong March 10, 5:10 p.m. sa GMA.

Tuloy pa rin ang mas pinalawak na “Guess More, Win More” promo ng Family Feud! Network-wide na ang bigayan ng papremyo dahil kasali na rin sa "Guess More, Win More" ang GMA Afternoon Prime at GMA Prime programs na Hating Kapatid, House of Lies, Apoy sa Dugo, Fast Talk with Boy Abunda, Delightfully Deceitful, Encantadia Chronicles: Sang'gre at Never Say Die.