Around GMA

Article Inside Page

Isa sa mga celebrities na spotted sa burol ng veteran TV-movie actress na si Gloria Romero ay si Kapuso Primetime Princess Barbie Forteza.

Base sa video na ipinost sa Facebook page ng GMA Integrated News, nakunan ni Kapuso showbiz reporter Aubrey Carampel si Barbie nang bumisita ito sa Arlington Memorial Chapel sa Quezon City.

Matatandaan na kinumpirma ng pamilya ni Tita Gloria na pumanaw ito noong January 25 sa edad na 91.

Nakatrabaho naman ni Barbie ang veteran actress sa hit primetime soap na Meant To Be (2017), kung saan gumanap ang late showbiz personality bilang si Lola Madj.

Naunang nagbigay-pugay ang Sparkle actress sa kaniyang Lola Glo sa post niya sa X. Sabi ni Barbie, “This is so heartbreaking. Buong buhay ko pong ipagmamalaki na nakatrabaho ko po kayo,”

Nagdadalamhati rin ang mga dating naka-trabaho ni Gloria Romero na sina Jillian Ward, David Remo, Chlaui Malayao sa Daig Kayo Ng Lola Ko; at pati na rin ang director ng programa na si Rico Gutierrez.

Celebrities pay tribute to the Queen of Philippine Cinema Gloria Romero