Around GMA

Article Inside Page

Isa sa hottest loveteams ngayon ang tambalan nina Barbie Forteza at David Licauco, na kilala rin bilang Team BarDa. Bukod sa pagiging on-screen partners, ibang level din umano ang friendship nila sa isa't isa.

Sa pagbisita ni Barbie sa blog ni Dolly Carvajal na “Dollywood PH,” napag-usapan nila ang pagkakaibigan nila ni David. Ayon sa Kapuso Primetime Princess, “definitely different” ang friendship niya sa Pambansang Ginoo.

“Sa trabaho namin, ang ginagawa namin, pang jowa po e. So 'yun pa lang, sets him apart from all my other male friends like si Derrick (Monasterio), si Kristoffer (Martin), si Alden (Richards), 'yung mga 'Tweens' po [Barbie's co-stars in the 2010-2012 series Reel Love Presents Tween Hearts]. Kasi hindi mo naman kami makikitang nagsu-sweet-sweet-an,” sabi ni Barbie.

Pagpapatuloy pa ni Barbie ay pagdating kay David, may conscious effort na maging sweet dahil parte 'yun ng kanilang trabaho. Wika pa ng aktres ay iba rin ang level of care nila para sa isa't isa.

“Kasi 'yung sa kaniya, mas parang I feel like the way he cares for me and the way I care for him is more delicate. 'Yun siguro po, 'yung level of care, 'yung support, ganiyan. Pero bukod po du'n, I think, David is really a good person to be around with,” sabi ni Barbie.

Grateful din umano si Barbie sa advice na natatanggap niya mula kay David. Ngunit imbes na love advice, madalas ay business advice ang binibigay sa kaniya ng aktor. Ang pangunahing payo nito sa kaniya, “Paraman ka muna.”

“Actually, more than love advice, ang mga nakukuha ko sa kaniya, advice about starting a business. He really wants me to explore na mag-business, mas 'yun talaga siya,” sabi ni Barbie.

Pagpapatuloy pa ng aktres talagang friendship lang ang meron sila ni David, ngunit sinabing totoo ang pagpapahalaga nila sa isa't isa.

BALIKAN ANG KILIG-LOADED BEHIND-THE-SCENES SHOOT NINA BARBIE AT DAVID PARA SA ISANG FASTFOOD CHAIN SA GALLERY NA ITO: