Bea Alonzo, 'dream come true' mapasama sa theater production ng 'Ang Larawan'
Around GMA
Around GMA
NBI searches Cabral's Baguio hotel room Sarah Discaya, 8 others detained at jail in Mactan, Lapu-Lapu City Gabbi Garcia reveals PCOS diagnosis, champions body positivityArticle Inside Page
Showbiz News
Kabado man, excited pa rin si Bea Alonzo mapabilang sa theater production ng 'Ang Larawan' na isang 'dream come true' para sa aktres.
Bilang isang theater fan, hindi maitago ng Love Before Sunrise star na si Bea Alonzo ang kaba at excitement na mapabilang sa nalalapit na theater production ng musical na Ang Larawan.
“I always like pushing myself to the limits and trying things that are new to me and para lang ma-shake ka ng konti kasi ayokong maging komportable lang parati,” sabi ni Bea sa panayam ni Aubrey Carampel sa "Chika Minute" para sa 24 Oras.
Dagdag pa nito, “This makes me feel uncomfortable and ano 'to, kabado ako rito and it's a good thing kapag kinakabahan.”
Nauna nang inanunsyo ni Bea at Jericho Rosales na mapapasama sila sa nalalapit na theater production sa isang video na pinost ng aktor sa kanyang Instagram account.
“We don't know why we are here. We are holding scripts and there's a bunch of guys, singers, actors, and that guy on the piano. We are freaked out,” sabi ng aktor sa video.
Ayon kay Bea ay star-studded ang buong production kung saan makakasama nila ang ilan sa original cast members ng naunang theater at movie version.
“Both from TV, movies and from theater na actors are coming all together in this wonderful, wonderful material. And 'wag natin kalimutan, si Mr. Cayabyab ang gumawa ng musika nito,” she said.
Bukod kina Bea and Jericho, ang ilan sa mga aktor na kasama sa cast ng porduksyon ay sina Aicelle Santos, Krylle, Markki Stroem, Kakai Bautista, Kakki Teodoro, Rachel Alejandro, Mitch Valdez, at Nonie Buencamino.
Samantala, si Aicelle na gagampanan ang role ni Violet ay excited na rin lalo na at makakatrabaho niya ang ilan sa unang pagkakataon.
“Karamihan sa kanila, naging part din nung movie, but sa bersyon ngayon, first time kong makaka trabaho sina Tito Bojie (Luisito Pascua), Bea, first time nila pareho sa musical na entablado, so I'm very excited for them,” saad nito.
Dagdag pa nito, “I'm very thrilled, and I'm very lucky, and honored to be sharing the stage with all of them, lalong lalo na 'yung mga haligi ng ating teatro.”
Sa May 6 na mapapanood ang Ang Larawan sa Metropolitan Theater.
TINGNAN ANG IBA PANG PINOY CELEBRITIES NA SUMABAK AT NAGING SUCCESSFUL SA TEATRO:
