Bea Alonzo, inimbitahan si Bretman Rock sa kasal nila ni Dominic Roque
Around GMA
Around GMA
Chinese man allegedly posing as Filipino arrested in Laguna Cebu's Gazini Ganados reaches Top 5 in MGI All Stars Farm to Table: Classic Pinoy dishesArticle Inside Page
Showbiz News
Bea Alonzo: "I guess, na-beat ko yung London trip niya [Dominic Roque] by meeting Bretman Rock.”
Lumabas ang pagka-fan girl ni Bea Alonzo nang tanungin tungkol sa social media star na si Bretman Rock.
Nagkita sa personal ang Love Before Sunrise actress na si Bea at ang social media star na si Bretman sa Shangri-La at The Fort, Taguig City, kung saan ginanap ang dinaluhan nilang Vogue Philippines Anniversary Gala kamakailan.
Sa vlog niyang “Tipsy Q&A (#AskBea Late Night Edition),” ikinuwento ni Bea ang pagkikita nila ni Bretman at kung paanong bigla na lang niyang inimbitahan ang huli sa kasal nila ni Dominic Roque.
Paglalahad niya, “So ganito, may story, kagabi galing ako ng Cagayan de Oro, this was at about 1 a.m., may pumapasok sa pintuan ng Shangri-La. Pagganun ko *gasp* sabi ni Bretman *gasp* din siya.
“Sabi ko, 'Oh, my god! I'm such a big fan!' Sabi niya, 'Me, too, queen!' ganun siya. Sobrang kinilig naman ako.
''Tapos, alam niya na engaged na ako. Kahit wala pang mga plano, sabi [ko], 'Can you come to my wedding?' Sabi niya, 'Definitely, yes!' Kinilig naman ako!”
Pagkatapos ay ipinaliwanag ni Bea kung bakit sobrang hinahangaan niya ang celebrity influencer.
“Sobrang tuwa ko sa kanya kasi ramdam na ramdam ko pa rin yung pagiging Pinoy niya,” sabi ni Bea.
“In-invite pa niya ako sa bathroom selfie with sina Anne [Curtis], Nadine [Lustre]--magkaksama kami doon sa bathroom selfie--with Bryan Boy, B.I. Parang natutuwa ako na he's really proud to be a Filipino. I love you, Bretman.”
Dagdag pa niya, agad niyang pinadala ang larawan nil ani Bretman sa kanyang fiancé na si Dominic, na sobrang fan din ng una.
Patuloy na kuwento ni Bea, “Nagpa-picture ako nang nagpa-picture sa kanya. Hindi n'yo alam, pero sobrang big fan ako ni Bretman, kaming dalawa ni Dom. When I sent Dom the picture, na magkasama kami ni Bretman, kasi ininggit ko siya , he's now in London… Sabi ko, 'I just bumped into Bretman.' Sabi niya lang, 'Oh my goodness!' Never niyang ginamit yung 'Oh my goodness.' So, alam na alam ko na sobrang tuwang-tuwan siya at inggit na inggit siya sa akin.”
Sa huli, biro pa ni Bea sa kanyang kasintahan, “I guess, na-beat ko yung London trip niya by meeting Bretman Rock.”
Panoorin ang kabuuan ng vlog ni Bea rito:
