Around GMA

Article Inside Page

Umabot sa kilig at matinding emosyon ang fans ni Kapuso actress Bianca Umali matapos nitong magbahagi ng isang nakakatuwa ngunit nakakaantig na post sa social media na nagpapahiwatig ng pagka-miss niya sa kaniyang partner, ang Kapuso actor na si Ruru Madrid.

Nag-post si Bianca ng larawan ni Ruru habang nakasuot ng green na cap at cardigan habang umiinom ng kanyang Matcha drink.

“Macho man? Pass. Matcha man? Yes, always,” sabi ni Bianca sa kanyang caption.

View this post on Instagram

A post shared by Bianca Umali (@bianxa)

Sinundan naman ito ng isang funny and witty message mula kay Bianca na tila nagpapahiwatig ng kanilang pansamantalang pagkakahiwalay dahil sa trabaho.

Kamakailan lang kasi ay pumasok si Ruru sa Bahay ni Kuya bilang isang Celebrity House Guest sa bagong edition ng PBB Celebrity Collab.

Ang nakakatuwang mensahe ni Bianca sa kanyang caption ay tila nangungusap siya kay Big Brother at nagtatanong kung kailan ba niya ulit makakasama ang boyfriend na si Ruru.

“Knock knock po Kuya, miss ko na po si Ruru. Hanggang kailan po ako maghihintay na makasama siya ulit?” sabi niya.

Naging house guest si Bianca sa naunang season ng PBB Celebrity Collab Edition at si Ruru naman ang kauna-unahang Kapuso house guest na pumasok sa loob ng bahay sa ikalawang season nito.

Related Gallery: Bianca Umali Spends Birthday With Boyfriend Ruru Madrid