Bibo child actors, dancers, at models, magpapakita ng husay sa 'Family Feud' kiddie edition
Around GMA
Around GMA
Massive fire kills 6 in Pakistan’s Karachi, destroys shopping center No classes in Cebu City, province after Sinulog festivity Farm to Table: (January 18, 2026) LIVEArticle Inside Page
Showbiz News
Abangan ang bibo kids ng The Kulit Crew at The Kwela Squad ngayong August 4!
Energetic and super bibo kids ang mapapanood sa masayang unang Lunes ng Agosto sa Family Feud!
Ngayong August 4, muling masasaksihan ang kiddie edition ng Family Feud. Ang Family Feud Philippines ay ang kauna-unahang franchise na nagkaroon ng kiddie contestants.
Maglalaro sa Lunes eight kids mula sa The Kulit Crew at The Kwela Squad.
Magiging leader ng The Kulit Crew ang 12-year-old na si Audrey Sto. Domingo. Siya ay ang lead vocalist ng kanilang school band, 'Banda ni Noah,' isang consistent honor student, at multi-talented musician na tumutugtog ng electric guitar, bass, ukulele, at piano. Makakasama ni Audrey ang kaniyang mga kaibigan na si Princess Kylie Garcia, ang 8-year-old mula sa Olongapo City na fan ng BINI; si Raine Vincent Dela Cruz, ang Grade 5 student mula sa Pasig City na magpapakita ng guitar-plucking talent sa Family Feud stage; at si Marcus Timbas, ang Grade 5 pupil at mahusay na dancer mula sa Sta. Mesa, Manila. Siya ay napanood na rin sa Magpakailanman at sa Little Black Rider contest.
Maglalaro bilang leader ng The Kwela Squad ang 11-year-old vlogger na may inspirational content para sa youngsters na si Nicollo Josh “Cholo” Castillo. Makakasama niya sa Family Feud si Jenelle Amber Santaolaya, ang Grade 4 student mula sa Las Piñas na gumanap na young Nimia sa Himala: The Musical. Siya ay naging guest din sa Abot Kamay Na Pangarap at Rewind. Kabilang din sa kanilang team si Queen Italia Congayo, na 10-year-old rapper-dancer mula Alabang; at si Reign “Rich” Paghasian, ang 12-year-old actor-dancer mula Cavite na naging bahagi ng Lolong, Rewind, Magpakailanman, and Encantadia.
It's a fun and energetic Monday kaya tutok na sa bagong Family Feud kiddie edition ngayong August 4.
“Happiness Overload” ang hatid ng Family Feud kaya subaybayan ang fresh episodes Lunes hanggang Biyernes, 5:40 p.m. sa GMA Network. Mapapanood din ang Family Feud sa GMA Network at Family Feud YouTube channel at sa Family Feud Facebook page.
Sa mga home viewers, huwag kalimutang sumali sa Guess to Win promo ng Family Feud para sa pagkakataong manalo ng PhP 20,000.
