Around GMA

Article Inside Page

Pasok na sa finals ng Dancing with the Stars sa France ang The Wall Philippines host na si Billy Crawford at kanyang dance partner na si Fauve Hautot.

Sa semi-finals ng nasabing dance competition noong Biyernes, November 4, pinabilib nina Billy at Fauve ang judges sa kanilang performance.

Bagamat may injury sa kanyang likuran si Billy ay tinuloy niya pa rin ang kanilang sayaw upang ma-impress ang judges.

Sa naturang performance, nakakuha sina Billy ng almost perfect score na 39 out of 40 points na mas mataas sa kanilang highest score noon na 38. Masaya naman si Billy sa kanilang nakuhang score dahil ito ang kinakailangan nila upang makapasok sa grand finals.

"It hurts a lot, but I like it. It's my life. I want to dance," ani Billy nang kumustahin siya ng judges sa kanyang nararamdamang injury o lumbago.

Dalawa sa makakalaban nina Billy at Fauve sa finale ng naturang kompetisyon ay ang French singer na si Carla Lazzari at Togolese-Israeli singer na si Stephane Legar.

Samantala sa kanyang Instagram bago ang semi-finals, nagpasalamat na agad si Billy sa lahat ng bumubuo ng Dancing with the Stars at sa kanyang mga nakasama sa programang ito.

"Here we go, the semi-finals for @dals_tf1. It has been an amazing experience and such a pleasure to dance on a daily basis. Can't wait for tonight. We will see if I'll make it to the finals or not but to all the artists, judges, my dance partner who became my sister @fauvehautot , pro dancers, prod, TF1 thank you for this blessing and making my job worth loving! To my wife and my son this is for you! To God be the glory," caption ni Billy sa kanyang post.

Tingnan ang post na ito sa Instagram

Isang post na ibinahagi ni Billy Crawford (@billycrawford)

Samantala, mapapanood din si Billy bilang host ng The Wall Philippines tuwing Linggo, 3:35 p.m. sa GMA.

SILIPIN NAMAN ANG MASAYANG PAMILYA NI BILLY SA GALLERY NA ITO: