
Maraming Ka-Bubble fans ang tuwang-tuwa sa muling pagsasama nina Ogie Alcasid at host-content creator na si Eri Neeman.
Nakilala ang tandem ng dalawa sa ginawa nilang sketch sa longest-running gag show na Bubble Gang kung saan gumanap si Ogie bilang Boy Pick-up at si Eri naman ay nakilala bilang Boy Back-up.
Sa TikTok account ng It's Showtime host, ipinasilip nito ang reunion nilang dalawa kung saan nagpa-sample pa sila ng malupit nilang lines sa "Boy Pick-up" sketch.
@ogiealcasid Nakita ko si boy back up!! @Eri Neeman #boom #bpu ♬ original sound - ogie alcasid
Sa isang panayam noong 2012, ikinuwento ni Eri Neeman sa Showbiz Exclusive ng GMA News TV kung paano nabuo ang karakter niya bilang Boy Back-up.
Sabi niya, “Nagre-rehearse lang kami tapos kinukwento ko ano mangyayari kasi kailangan may mag-react (pagkatapos ng delivery ng pickup line) sumigaw lang ako, 'lupit mo Pick-up!' Tawanan, so yun ginawa lang sa shoot."
RELATED CONTENT: ACTORS AND ACTRESSES WHO WERE ONCE PART OF BUBBLE GANG