Camille Prats on having the Princess Sarah image: 'Bawal ka magkamali sa mata ng tao'
Around GMA
Around GMA
Barricade mulled below flyover, as DPWH sought to pay P1.9M debt XG's Cocona undergoes top surgery, comes out as AFAB transmasculine non-binary Farm to Table, pinarangalan ng Anak TV SealArticle Inside Page
Showbiz News
Ikinuwento ni Camille Prats ang naging epekto ng pagiging Princess Sarah sa kaniyang personal na buhay.
Inamin ni Camille Prats kung paano nakaapekto sa kaniyang buhay ang karakter niyang Princess Sarah.
Si Camille ay sumikat bilang child star noong '90s dahil sa kaniyang pelikulang Sarah...Ang Munting Prinsesa.
Sa kaniyang interview sa YouTube channel ni Amy Austria, inamin ni Camille na naramdaman niya ang pressure dahil sa pagganap niya sa karakter na Princess Sarah.
"There's this connotation kasi 'di ba, uy si Princess Sarah napakabait. As I was growing up, parang I felt there's a pressure being Princess Sarah. Hindi ka puwedeng makitang masama. Hindi ka puwedeng magkamali."
Ayon kay Camille, umabot siya sa puntong gusto niyang magrebelde dahil sa expectations sa kaniya ng publiko.
"It was somehow not easy to live up to that expectation para sa akin and at some point in my life, I wanted to rebel. Parang bad trip na 'to ha, parang hindi ka makagalaw. Bawal ka magkamali sa mata ng tao."
Dugtong pa ni Camille gusto niya matanggal ang stigma.
"Siguro growing up and because of immaturity, I wanted to like break away from that, kasi hindi matanggal yung stigma. It made me think bakit naman yung ibang child star, wala namang dumikit sa kanila na stigma, bakit ako?"
Inilahad ni Camille na na-realize niya rin dapat ipagpasalamat niyang nakilala siya sa karakter na Princess Sarah dahil sa nagbigay sa kaniya ito ng guidance sa kaniyang buhay.
"At some point in my life, God showed me na that kaysa nire-resent ko siya, dapat ipagpasalamat ko siya because being seen as someone who is good made me also, parang it kept me in my boundaries. Medyo natakot din akong magkamali, gumawa ng hindi tama, to actually live a life that is a good example to people kasi, 'yun na."
Dugtong pa ni Camille, tinawag niya itong proteksyon sa paggawa ng desisyon sa buhay.
"It kept me in my boundaries na hanggang diyan ka lang. Parang it also served as a protection for me kasi anything could've happened, I could've rebelled, did a lot of things that I will probably regret later on in life."
Panoorin ang interview ng Sparkle artist na si Camille rito:
