Around GMA

Article Inside Page

Umami ng iba't ibang negatibong komento at pamba-bash ang girlfriend ni two-time Olympic gold medalist Carlos Yulo na si Chloe San Jose. Sa katunayan, may ilan pa nga na nagduda sa relasyon nilang dalawa. Ngunit sa kabila ng mga ito, pinipili nilang huwag pansinin ang mga komentong ito.

“Both of us po kasi, we're not the type of people na we don't really care much about what other [people would say]. We only care about the people in our circle po,” sabi ni Chloe sa Fast Talk with Boy Abunda nitong Lunes, March 23.

Pag-amin ni Chloe, pinapahalagahan kasi nila ang privacy at ang “power of silence” kaya naman, kahit anong pamba-bash ang ginawa sa kaniya ay hindi niya ito pinapansin. Sa katunayan, walang napikon sa kanila sa lahat ng mga sinabi tungkol kay Chloe o sa relasyon nila.

“Wala po, e. I guess we realized that we're both very secure sa isa't isa individually and both,” sabi ni Chloe.

BALIKAN ANG ILAN SA SWEETEST MOMENTS NINA CARLOS AT CHLOE SA GALLERY NA ITO:

Naging malaking tulong din kay Chloe ang pagtira niya sa Australia at pagiging independent niya dahil ngayon na maraming nagsasabi na habol lang niya ay kasikatan at kayamanan ni Carlos, masasabi niyang hindi iyon totoo.

“I was super secured even way before Caloy so parang those things didn't really affect me kasi I know to myself na hindi naman, e. I've always had and could support myself all this time po, even without Caloy,” sabi ni Chloe.

Hindi rin naman nakikita ni Carlos na kailangan niya pang protektahan si Chloe dahil wala naman sila umanong kailangan ipaliwanag, “Unang-una hindi po nila kami personal na kilala, 'yung relationship na meron kami.”