Around GMA

Article Inside Page

Ngayong sumabak na sa kanilang kauna-unahang Kapuso TV series na First Yaya sina Cassy Legaspi at JD Domagoso, baon nila ang 'di mapapantayang payo at words of wisdom ng kanilang celebrity parents.

Ngayong Marso, sasalang na sa ikatlong leg ng lock-in taping ang First Yaya stars na pinangungunahan nina Sanya Lopez at Gabby Concepcion.

Nangyari ang unang lock-in taping ng Kapuso rom-com series noong November 2020:

Samantala, sa La Union naman sila muling nagsama-sama para sa ikalawang leg ng kanilang production in the new normal:

Ang First Yaya ang kauna-unahang acting break nina Cassy at JD sa isang teleserye. Bagong experience man ito sa kanila, masaya ang dalawang Kapuso stars na ginagawa nila ito nang magkasama.

Ani JD, “Nanibago ako from all the productions that we do, from All Out Sundays and Studio 7 but now that we're doing a teleserye, mas masaya siya. Now that we're doing a lock-in taping, of course, you'll follow the protocols and everything but we still get to enjoy with each other and like make kuwentuhan with all the other artists, and I get to learn tips and other advices lalong lalo [mula] sa mga nag-a-acting na since they were kids like si Thou (Reyes).”

Dagdag naman ni Cassy, “Yeah, I have to agree with JD. It's really, really different kasi growing up, sana na ako sa mga commercial, and then after commercials, puro variety shows, and then coming into this, I thought na 'Ah I'm pretty sure it's sort of the same.' It's not the same at all. It's super, super different, and ngayon ko na-realize na 'Wow, nakakapagod talaga siya.'

“It's so different but then it's so fun. Parang gusto ko 'yung pagod ko. I don't know, I guess 'coz everyone's there too and siyempre I'm with JD a lot. I'm always with JD. Always.”

Ikinuwento rin ng dalawang aktor ang payo ng kanilang celebrity parents na ipinabaon sa kanila.

Ayon kay Cassy ay hinahayaan daw siya ng mga magulang na sina Carmina Villarroel at Zoren Legaspi na madiskubre ang kanyang sariling acting style. Ang paalala lang nila sa kanya ay huwag magpadala sa nerbiyos.

Wika niya, “'Yung parents ko kasi they let me play around on set. Parang ako bahala na sa sarili ko and it's up to me to find my own methods, but one thing that really stuck with me was it's normal to be nervous but it's also useless to be nervous. Kasi kapag nervous ka it's really gonna affect your acting so parang na-realize ko, 'Oo nga naman.' 'Yung I'm here to perform, I'm here to have fun and ayun, after thinking about that parang na-realize ko, 'Oo nga 'no. Why am I nervous? I love what I'm doing naman.' So ayun, very simple but very hard to do.”

Samantala, ang payo raw ng kanyang amang si Isko Moreno ay nagagamit ni JD sa maraming aspeto ng showbiz.

Bahagi niya, “Ako naman po, sa akin madali lang. Ang sabi ng Papa ko to just listen. Like 'yung listen na 'to, 'just listen' is very simple and you can use it in a lot of aspects in showbiz. In how I can use it naman during acting is to get a good reaction or real reaction from the scene, I just have to listen talaga to anong sinasabi ng co-actor ko sa eksena na 'yun. Ayun, para totoo talaga. You really have to listen, not hear it. Listen talaga. 'Yun lang, simple but nagagamit ko sa lahat ng bagay.”

Ang First Yaya ay mapapanood na simula ngayong Marso sa GMA.