Around GMA

Article Inside Page

Isa sa mga sikat na celebrity chef ngayon sa bansa ay ang businessman at health and fitness buff na si Chef Jose Sarasola.

Muling mapapanood si Chef Jose sa third season ng cooking show na Eat Well, Live Well. Stay Well. kasama ang celebrity mom at host na si Iya Villania-Arellano.

Sa panayam sa GMANetwork.com, inamin ni Chef Jose na mas nabuhay ang kanyang culinary career mula nang siya ay maging Kapuso. Nagpasalamat din siya sa GMA Network dahil sa mga oportunidad na ibinigay sa kanya gaya ng hosting at acting projects.

Kuwento niya, "Here with GMA, when I moved two years ago, parang nabuhayan 'yung chef career ko so I'm just really thankful and blessed that the network and my GMA Artist Center (Sparkle) family gave me a big break talaga."

Kamakailan ay idinaos naman ang 12th anniversary ng restobar ni Chef Jose sa Parañaque na kanyang mag-isang pinapatakbo. Bukod dito, mas pagtutuunan daw niya ng pansin ang kanyang culinary career.

Aniya, "Siguro [I will be] focusing on my chef, my culinary career. I mean I don't mind acting gigs on the side I still love to act kung meron namang role na okay for me I still wouldn't mind acting pa rin whatever the network [will offer], I will still take it gratefully. Pero now siguro being a celebrity chef, I really want to hone my skills more."

Paglilinaw niya, bilang isang chef ay marami pa raw siyang dapat pag-aralan at i-develop sa kanyang culinary skills.

"I'm not the best chef in the world, I still have a lot things to improve on, things to discover about myself, about my culinary career so siguro I still want to focus on me being a celebrity chef," dagdag niya.

Samantala, mas kilalanin pa si Chef Jose Sarasola sa gallery na ito.