Around GMA

Article Inside Page

Thankful ang content creator na si Christian Antolin sa oportunidad na ibinigay sa kaniya ng Kapuso Network na bumida sa award-winning public service program na Wish Ko Lang.

Noong Sabado, October 7, napanood si Christian sa kaniyang kauna-unahang lead role sa telebisyon kung saan binigyang buhay niya ang kuwento ng masipag na beki na si Khiana sa "Inggit Pikit" episode ng Wish Ko Lang.

"Maraming-maraming salamat sa GMA News and Public Affairs for giving me this opportunity bilang lead role na tayo. First time kong mag-lead role," pagbabahagi ni Christian sa kaniyang Facebook post.

"Kabahan na talaga ang mga [queens] Jillian Ward, Barbie Forteza, at saka Marian Rivera, kabahan na kayo," pabirong dagdag nito.

Nakasama ni Christian sa "Wish Ko Lang: Inggit Pikit" sina Raf Pineda, Lovely Rivero, Mel Kimura, Yvette Sanchez, Joaquin Manansala, Anne Garcia, Jet Rai, at Eya Borja.

Samantala, kasama rin si Christian sa cast ng upcoming series na Against All Odds na pagbibidahan nina Primetime Queen Marian Rivera at Gabby Concepcion kasama si Max Collins.

BALIKAN ANG ILANG BEHIND-THE-SCENES PHOTOS NI CHRISTIAN ANTOLIN SA SET NG WISH KO LANG SA GALLERY NA ITO: