Around GMA

Article Inside Page

Muling nadagdagan ang mga magagandang awitin na maririnig sa original soundtrack ng The Lost Recipe.

Ang bagong singer para sa fantasy romance series ng GMA News TV ay si Crystal Paras. Si Crystal ay isa rin sa cast ng The Lost Recipe at kilala siya rito bilang pastry chef na si Chef Nori.

Kuwento ni Crystal sa kanyang ipinadalang mensahe, "I feel honored and 'kilig' na napili ako to sing one of the theme songs for 'The Lost Recipe.'"

Photo source: The Lost Recipe

Pag-amin ni Crystal, memorable sa kanya ang pag-record ng kantang "Pinag-isa" dahil ito ang unang beses niyang kumanta para sa isang teleserye na kanyang kinabibilangan. Dugtong pa ni Crystal, ito ay ang kanyang first regular role sa isang serye.

"I've been invited [to] sing soundtracks for other teleseryes like 'I Can See You' and 'The Gift' pero it feels different dahil this time, I'm singing for a serye that I'm actually part of and since it's my first regular role under GMA, mananatili siyang memorable for me"

Saad pa ng singer at actress, nakaka-relate siya sa kantang "Pinag-isa" dahil sa nilalamang mensahe nito.

"Naka relate ako sa 'Pinag-isa' dahil I think it's a beautiful love song that'll make you reflect on your relationships (family/romantic). Minsan mapagtatanto mo talaga that you meet people for so many different reasons and minsan 'di mo aakalain the most unexpected ones who come your way are the ones who end up being closest and most special to you."

Dahil parte ng The Lost Recipe si Crystal, nagbahagi siya ng kanyang nararamdaman ngayon na maraming sumusubaybay at natutuwa sa kuwento ng kanilang serye.

"Masayang-masaya at honored ako sa warm welcome at feedback ng mga Kapusong nakakapanood ng TLR."

Dugtong pa ni Crystal, "I'm hoping and praying for a wider reach and exposure because I think the show has so much to offer. Every bit and piece of this show deserves to be seen by everyone."

RELATED CONTENT:

Hannah Precillas, na-excite para sa kanyang kanta sa 'The Lost Recipe'