Around GMA

Article Inside Page

Kitchen clash ngayong Miyerkules ang ating mapapanood sa Family Feud dahil sa paghaharap ng sikat na mga food vloggers at culinary instructors.

Ngayong July 9, abangan ang sizzling episode sa paghaharap ng Team Ka-food trip at The Blazing Chefs.

Mula sa Team Ka-Food Trip, maglalaro si Chef Rosebud Benitez, siya ang celebrity chef na sumikat bilang host ng dating GMA News TV cooking show na Quickfire. Makakasama ni Chef Rose ang food vloggers o content creators na gumagawa ng food reviews, mukbangs, and recipe hacks online na sina Christian Andrew "Drew" Cadiz, Eric Tubiera, and Luis de la Rama.

Si Drew na nakilala bilang Ka-FoodTrip, ay mayroong 5 million followers dahil sa kaniyang drool-worthy food adventures; Si Eric naman na may 2.4 million followers ay kilala bilang isang mukbang sensation; si Luis ay kilala rin bilang Nonong, na sumikat sa budget-friendly food content.

Mula naman sa The Blazing Chefs maglalaro ang culinary experts and educators mula sa De La Salle-College of St. Benilde. Sila na sina Chef Margarita "Marga" Isabel Marty, Chef Giselle De La Cueva, Chef Richmond Ingco, and Chef Elijah Coronado.

Si Chef Marga ang head ng Culinary Arts Management program sa Benilde; Si Chef Gee ay nagtuturo ng professional cooking and Garde Manger; si Chef Richmond ang nagsi-specialize sa pastry, at si Chef Jah naman ang consultant para sa cafés and dessert shops.

Huwag palampasin ang epic face-off na ito ngayong July 9 sa Family Feud.

“Happiness Overload” ang hatid ng Family Feud kaya subaybayan ang fresh episodes Lunes hanggang Biyernes, 5:40 p.m. sa GMA Network. Mapapanood din ang Family Feud sa GMA Network at Family Feud YouTube channel at sa Family Feud Facebook page.

Sa mga home viewers, huwag kalimutang sumali sa Guess to Win promo ng Family Feud para sa pagkakataong manalo ng PhP 20,000.