Around GMA

Article Inside Page

Sa Instagram, ibinahagi ng singer na si Darren Espanto ang ilang larawan mula sa kaniyang bakasyon noong nakaraang Holy Week.

Sa mga larawan, makikita na kasama niya ang pamilya nina Carmina Villarroel at Wilma Doesnt. May litrato rin siya na kasama sina Ria Atayde at Piolo Pascual.

“About last week,” sulat ni Darren sa caption.

View this post on Instagram

A post shared by Darren Espanto (@darrenespanto)

Makikita sa mga larawan na nag-e-enjoy si Darren habang nasa yate at nagsu-swimming sa dagat. Pero ang highlight ng kaniyang Instagram post ay ang karaoke duet nila ni Abot-Kamay Na Pangarap star Carmina Villarroel.

Makikita sa video ang dalwa na nakaupo habang kinakanta ang “Nothing's Gonna Stop Us Now” ng rock band na Starship na sumikat noong '80s.

Makikita rin sa video ang aktres at anak ni Carmina na si Cassy Legaspi na nali-link din sa singer.

Nag-komento rin sa kaniyang sariling post si Darren para ipakita ang duet nila ng ina ni Cassy. “Swipe to the end for a one-of-a-kind duet,” saad niya.

Ilang beses na rin nakitang magkasama sina Cassy at Darren at minsan na rin nakasama sa isang “group date” kasama ang buong pamilya nina Carmina at Zoren Legaspi. Nakasama rin dito ang Kapuso sweethearts na sina Mavy Legaspi at Kyline Alcantara na mappanood soon sa Luv Is: Love at First Read.

Matatandaan rin na sa isang post ni Carmina na nagpasalamat ito sa binata dahil nagsilbi itong “photographer” para sa kaniyang post.

SAMANTALA, TINGNAN ANG MGA LARAWAN NINA DARREN AT CASSY SA JAPAN DITO.