Around GMA

Article Inside Page

Mapa-career man o negosyso, aminado si David Licauco na hindi siya kailanman natakot na magkamali sa paggawa ng mga desisyon. Sa katunayan, maituturing niya ang sarili bilang isang go-getter dahil dito.

Sa pag-upo ng Pambansang Ginoo sa GMA Integrated News Interviews kasama si Nelson Canlas para sa 24 Oras, ibinahagi ng aktor na bata pa lang ay natutunan na niyang huwag matakot sa pagkakamali.

"Growing up, marami rin akong failures. Hindi ako nakuha sa basketball team when I was in grade 5. Hindi pa ako ganu'n kagaling, e. So the following days and months, nag-practice ako nang nag-practice ng basketball and the following year, first five na 'ko sa team," pagbabahagi ni David.

Ayon pa kay David, maraming beses na rin siya dumaan sa matitinding pagsubok sa loob ng maraming taon, Dahil dito, masasabi ng aktor na hindi na siya tako sa failures.

"Actually, it excites me kasi if you fail, matututo ka, e. Kapag natuto ka, hindi ka na magkakamali sa next (time). Maybe hindi mo siya mape-perfect, pero you're one step closer to being good," sabi ni David.

Dagdag pa ng aktor, "Failure talaga, doon talaga nagsisimula, in my opinion."

BALIKAN ANG NAGING CAREER JOURNEY NI DAVID SA PAMAMAGITAN NG ROLES NA KANIYANG GINAMPANAN SA GALLERY NA ITO:

Kaya naman, tila wala nang makakapigil kay David sa pagtupad ng kaniyang mga pangarap. Bukod kasi sa luxury villas na ipapatayo niya sa Siargao, plano rin ng aktor na sumali at manalo sa isang Global Indoor Fitness Competition.

Ang go-getter attitude na ito, parehong-pareho umano sa karakter niya bilang si Andrew Dizon sa upcoming series niya na Never Say Die. Isang investigative journalist si Andrew, na mauuwi sa pakikipaglaban sa mga kriminal.

Makakasama rin ni David Licauco sa serye sina Jillian Ward, Raheel Bhyria, Kim Ji Soo, Richard Yap, Raymart Santiago, Angelu de Leon, Ayen Munji-Laurel, Winwyn Marquez, Analyn Barro, at marami pang iba.

Abangan ang Never Say Die sa February 2, 8:55 p.m. sa GMA Prime.

Panoorin ang panayam kay David Licauco dito: