Around GMA

Article Inside Page

Hindi napigilan ni Lovely Jane Pio na maging emosyonal sa inihandang sorpresa sa kanya ng Wish Ko Lang.

Noong Sabado, February 25, nasaksihan sa "Wish Ko Lang: Debutante" ang nakaaantig na kuwento ni Lovely (Althea Ablan), na namatayan ng ina sa kanya mismong 18th birthday.
Inside link:

Sa kabila ng hirap ng buhay, pinagsikapan ng ina ni Lovely na si Rosinie (Gina Alajar) at ng tatay nito na mabigyan siya ng masayang selebrasyon para sa kanyang ika-18 taong kaarawan.

"Hindi ko inaasahan na sa araw pa ng birthday ko, mawawala si Mama. Masakit po kasi wala na akong matatawag na Mama," pagbabahagi ni Lovely sa Wish Ko Lang.

Kaya naman agad na tinupad ng programa ang hiling ng yumaong ina ni Lovely at ng kapatid nitong si Rose na magkaroon siya ng isang masaya at hindi malilimutang debut.

Suot ang purple gown na iniregalo sa kanya ng Filipino designer na si Rian Fernandez, naranasan ni Lovely na maisayaw ng ama sa kanyang debut. Para sa mga hindi nakakaalam, si Rian Fernandez ang same Pinoy designer na gumawa ng gown ni R'Bonney Gabriel no'ng masungkit niya ang korona sa Miss Universe 2022.

Sa selebrasyon, nakatanggap si Lovely ng pagbati mula sa malalapit niyang kaibigan at kay Sparkle actress Althea Ablan, na niregaluhan din siya ng gown.

Bukod sa birthday surprise, may regalo ring educational assistance at Wish Ko Lang savings ang programa para kay Lovely at sa pamilya nito.

Abangan kung sino at paano mabibigyan ng magandang bagong simula ang susunod na tampok sa Wish Ko Lang ngayong Sabado sa GMA.

Maaari ring mapanood ng mga Kapuso abroad ang Wish Ko Lang sa GMA Pinoy TV. Para sa karagdagang impormasyon, bisitahin ang www.gmapinoytv.com.

MAS KILALANIN SI ALTHEA ABLAN SA GALLERY NA ITO: