Around GMA

Article Inside Page

Kabilang si Kapuso Drama King Dennis Trillo sa mga nominado para sa Best Actor sa 73rd Filipino Academy of Movie Arts and Sciences (FAMAS) Awards.

Isa itong pagkilala sa kanyang pagganap sa prison drama film na Green Bones.

Makakatunggali ni Dennis para sa Best Actor sina Asia's Multimedia Star Alden Richards para sa Hello, Love, Again, Encantadia Chronicles: Sang'gre star Kelvin Miranda para sa Chance Are, You and I, Vice Ganda para sa And the Breadwinner Is..., Arjo Atayde para sa Topakk, at Aga Muhlach para sa Uninvited.

Ito ang pangatlong Best Actor nomination ni Dennis mula sa FAMAS, at panlima sa lahat ng nominasyong natanggap niya mula sa award-giving body.

Bukod dito, iginawad din ng FAMAS sa aktor ang German Moreno Youth Achievement Award noong 2005.

Kinilala na rin ang husay ni Dennis sa Green Bones nang hirangin siya bilang Best Actor sa 50th Metro Manila Film Festival at sa 8th Entertainment Editors' Choice Awards (EDDYs).

Samantala, umani ng sampung nominasyon ang pelikulang Green Bones sa 2025 FAMAS Awards.

Kabilang dito ang Best Supporting Actor para kay primetime action hero Ruru Madrid, Best Supporting Actress para kay Alessandra de Rossi, Best Director para kay Zig Dulay.

Nominado rin ang pelikula para sa Best Visual Effects, Best Sound, Best Musical Score, Best Screenplay, Best Editing, Best Picture.

Nakatakdang itanghal ang gabi ng parangal ng FAMAS 2025 sa August 22 sa Manila Hotel.

Kasalukuyang napapanood si Dennis Trillo sa action series na Sanggang-Dikit FR, Lunes hanggang Biyernes, 8:50 p.m. sa GMA Prime.

May delayed telecast din ito sa GTV, 10:30 p.m.

Maaari rin itong i-livestream sa GMANetwork.com/KapusoStream.