Around GMA

Article Inside Page

Magiging mas exciting na ang bonding time ng pamilya simula March 21 dahil sa pagdating ng pinakamalaking family-oriented game show sa telebisyon ngayong taon -- ang Family Feud na pangungunahan ng Kapuso actor, host, at family man na si Dingdong Dantes.

Sa isinagawang mediacon ng nasabing game show ngayong Lunes, March 14, masaya na humarap sa press si Dingdong at ibinahagi ang kanyang excitement sa nalalapit na pagsisimula ng programa.

Ayon sa aktor, mas makikilala ng mga manonood ang kanyang pagiging kuwela at makulit kapag napanood na ang Family Feud.

Aniya, "Through this game show Family Feud ay makikita talaga nila kung sino ako behind the camera.

"Kung paano ako sa bahay ganun din ako sa stage kasi isipin mo 'yung stage parang bahay ko siya e, kasi I welcome families every episode and kumbaga para akong host sa tahanan [na nagtatanong] 'O, kumusta ka?' 'O, laro tayong families,' so very at home ang pakiramdam."

Sa katunayan, pinag-usapan din online kamakailan ang isang TikTok video ni Gardo Versoza kasama si Dingdong na game na ipinakita ang kanyang groovy dance moves.

Samantala, bukod sa exciting lineup ng celebrity guest players, araw-araw ay may chance rin ang Kapuso viewers na manalo ng hanggang isang daang libong piso o tumataginting na kalahating milyong piso linggo-linggo.

Abangan ang Family Feud simula March 21, 5:45 ng hapon sa GMA.

Silipin naman ang mga larawan ng world-class studio ng Family Feud sa gallery na ito: