Dingdong Dantes to present COVID-19 experiences of student from Wuhan on 'Amazing Earth'
Around GMA
Around GMA
Spain probes whether swine fever outbreak was caused by lab leak Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Tampok sa pinakabagong episode ng Amazing Earth ang mga karanasan ng ilang Pinoy frontliners at estudyanteng nasa Wuhan nang magsimula ang COVID-19.
Back to work na si Kapuso Primetime King Dingdong Dantes dahil nagsimula na siyang mag-taping para sa fresh episodes ng informative program na Amazing Earth nitong Martes, July 13.
“Malinaw naman 'yung mga rules na binigay nila, e.
"Katulad naman ng lahat, basta may social distancing, kailangan naka-mask, kailangan naka-PPE pwera ako.
"Kasi, kapag on-cam kailangan tanggalin ko na 'yung mask ko. Okay naman 'yung ventilation dito dahil nasa rooftop tayo, open air,” aniya sa panayam ng 24 Oras.
Ayon kay Dingdong, tampok sa unang episode ng show ang pagtalakay sa 2019 coronavirus disease (COVID-19) kung saan ilang personalidad, na mas malapitang nasaksaksihan ang pandemya, ang magbahahagi ng kanilang mga karanasan.
“Mayroon tayong in-interview na isang doktor, na commercial model na nakasama ko sa isang commercial.
"Frontliner siya ngayon sa isa sa mga pinaka-busy na mga ospital sa Manila.
“Pangalawa, mayroon tayong doktor na Pinoy na naka-base sa New York.
"Bibigyan niya tayo ng perspective kung paano ang COVID-19 sa Estados Unidos,” aniya.
Bukod dito, maghahatid ang programa ng mas masinsinang pananaw tungkol sa sakit dahil tampok din dito ang karanasan ng isang estudyante sa Wuhan, China, kung saan ang nagmula ang COVID-19.
“Sobrang interesting para sa akin din, isang estudyante na nasa Wuhan nu'ng nag-lockdown.
"By choice, nanatili siya roon, kasi he's taking up something, kanyang PhD at iku-kwento niya sa atin kung ano 'yung naging experience niya sa loob mismo ng Wuhan, kung saan nagmula ang COVID-19,” dagdag pa niya.
Abangan ang fresh episodes ng Amazing Earth soon on GMA Network.
Dingdong Dantes, may challenge para kay Alden Richards sa 'Amazing Earth'
Samantala, ibinahagi rin ni Dingdong na itinuon niya at asawa niyang si Kapuso Primetime Queen Marian Rivera ang panahon sa kanilang mga anak na sina Zia at Sixto sa halos apat na buwan nilang pananatili sa bahay.
Abala rin sila sa online homeschooling at tutorial na sinasamahan nila ng explorational games.
“Si Marian ay mahilig magluto. May imbento siya halos everyday, so siyempre nakaabang na lang kami sa mga pakulo niya.
"Pero more than 'yung kanyang dishes, 'yung pakikipaglaro sa mga bata 'yung pinagkakaabalahan namin.
“Kasi, nandu'n sila sa edad na sobrang likot na. Ang dami nilang gustong gawin, very energetic. Kailangan may something new sa kanila parati dahil nag-e-explore sila. Kailangan sabayan namin 'yon,” sabi pa ng aktor.
#TeamDantes: The growing, beautiful family of Dingdong Dantes and Marian Rivera
