Around GMA

Article Inside Page

Malapit na mapanood ang Philippine adaptation ng hit K-drama series na Shining Inheritance sa GMA Afternoon Prime.

Ang naturang serye ay mula sa direksyon ng esteemed director na si Jorron Monroy.

Related gallery: 'Shining Inheritance' stars dazzle at the show's media conference

Sa naganap na media conference para sa upcoming afternoon drama series kamakailan, ibinahagi ni Direk Jorron na na-excite siyang nakatrabaho ang beteranang aktres na si Coney Reyes sa Shining Inheritance.

"Noong sinabi po sa akin na si Tita Coney 'yung ina-eye namin na maging Aurea De La Costa, hindi ko na pinakawalan 'yon. Iniisip ko na dapat siya 'yung makuha namin. More than pressured po, mas na-excite talaga ako. I really wanted to work with her because it's not every day that you get the chance to work with someone as reputable and as talented as Coney Reyes. I really told her that personally. I tell her every time na tuwing may taping, I really feel blessed even," kuwento niya.

Dagdag pa ng esteemed director, marami siyang natututunan mula sa renowned actress at maging sa iba pang seasoned stars ng serye.

Aniya, "Parati po akong nakangiti kapag siya 'yung ka-eksena because marami akong natututunan sa kanya bilang direktor."

Patuloy niya, "Continuously po gusto ko rin matuto and the only way to learn is to learn from people na nauna na sa'yo sa industriya like si Tita Coney, Ms. Glydel, Sir Wendell, Aubrey Miles. So you learn a lot from the ones who are ahead of you."

Ayon din kay Direk Jorron, paniguradong maihahatid ng Philippine version ng Shining Inheritance ang puso ng kuwento, katulad ng naramdaman ng viewers sa original Korean version nito.

"There are a lot of advancements in the adaptation of the Philippines. It will live up in the sense na, we will give you a different experience from the original, but with the same heart of that story. The story is still there, it will always be there, especially 'yung puso ng mga karakter. Ako mismo, bilang direktor, 'yun ang binantayan ko kasi mahal ko rin 'yung original characters, gusto ko sila.

"So nung tinranslate siya into a Filipino adaptation, I think not just me, but also the creatives, were very meticulous about that, na dapat 'yung puso ma-maintain. In that respect, I can guarantee you na maihahatid pa rin ng bagong adaptation 'yung puso na in-e-expect ninyo mula sa original," pagbabahagi niya.

Ang Shining Inheritance ay pagbibidahan nina Kyline Alcantara at Kate Valdez, Paul Salas, Michael Sager, at Ms. Coney Reyes.

May special participation sa naturang serye ang batikang aktor na si Ariel Rivera.

Kabilang din sa stellar cast ng Shining Inheritance sina Wendell Ramos, Glydel Mercado, Aubrey Miles, Roxie Smith, Gio Alvarez, Dave Bornea, Jamir Zabarte, Seth Dela Cruz, at Charuth.

Abangan ang premiere ng Shining Inheritance sa September 9 sa GMA.