Around GMA

Article Inside Page

Sa ikaanim na linggo ng Douluo Continent, isang itim na kapangyarihan ng gagamba ang pumaloob kay Tang San (Xiao Zhan).

Dahil sa kagustuhan niya na mailigtas si Xiao Wu (Wu Xuan Yi) mula sa pagkalason ay sumailalim siya sa kapangyarihan ng itim na gagamba. Ngunit hindi niya nagawang kontrolin ang kanyang sarili gamit ang kapangyarihan na ito.

Upang mabawasan ang kapangyarihan na umuubos sa lakas ni Tang San, kinailangan ni Xiao Wu na ilipat sa kanya ang ilang porsyento ng espiritu. Ngunit dahil kontrolado ng itim na gagamba ang pag-iisip ni Tang San ay nasaksak niya sa dibdib si Xiao Wu.

Nagawa man na isalin ni Xiao Wu ang ilang kapangyarihan sa kanya, tuluyan namang kumapit kay Tang San ang diwa ng gagamba. Nang magising ito sa kanyang katauhan ay nakita niyang wala ng malay si Xiao Wu.

Dahil sa pagkakaroon ng itim na kapangyarihan na maaaring magdulot ng kapahamakan sa nakararami, nais ng isang maestrong diwa na patayin si Tang San. Matuloy kaya ito?

Subaybayan ang Douluo Continent, Lunes hanggang Biyernes, 8:25 ng umaga sa GMA.