Around GMA

Article Inside Page

Natigil man ang taping ng Owe My Love, hindi raw nakalimutan nina Lovi Poe at Benjamin Alves ang kanilang characters dahil sa kanilang panonood ng K-drama.

Magbabalik-tambalan sina Lovi at Benjamin sa inaabangang Kapuso rom-com series. Susundan ng Owe My Love ang pagkukrus ng landas ni Sensen, isang female delivery service driver at ni Doc Migs, isang medical frontliner hanggang ang kanilang kasunduan tungkol sa pera ay mauwi sa pag-iibigan.

Ang tema at takbo ng kuwento ay hindi raw nalalayo sa kinahuhumalingang Korean dramas ngayon.

Pag-amin ni Lovi, hindi siya nanonood ng K-drama bago mag-quarantine ngunit nadiskubre niyang marami siyang matututunan mula rito.

Aniya sa virtual story conference ng Owe My Love, “I started watching K-Drama and I'm addicted to it now. So I think that's one thing na parang without even knowing na meron kaming natututunan all throughout para madala namin sa show. Because since 'yun nga, sinabi ni Miss Karen [Lumbo, Program Manager] nga na parang we want the attack very like that. So yeah, I was having fun and learning at the same time. And now I'm just so excited to bring kung ano 'yung mga bago kong natutunan at kung ano 'yung mga baon namin.

“Actually nagme-message kami ni Ben lagi na excited na ako na mag-start kami ng Owe My Love kasi may mga iba na kaming atake sa roles.”

Ganito rin ang palagay ni Benjamin na kinumpirmang tuloy-tuloy ang communication niya at ng kanyang leading lady kahit naka-quarantine, at isa ang K-drama sa mga madalas nilang pag-usapan.

Bahagi niya, “Pinapanood ko 'yung CLOY (Crash Landing On You), ni-recommend ko kay Lovi tapos pinanod na namin. Sabi ko, 'Onga 'no, ganun 'yung atake nila na si Captain Ri very stoic, si Yoon Se-ri very lively. So ganun 'yung mga dynamic, para kaming nag-ke-case study using K-drama as our material.”

Dagdag pa niya, matapos ang ilang buwan ay ang aktres na ang nagbibigay ng listahan ng mga dapat niyang panooring K-drama.

Patuloy ni Benjamin,“Si Lovi naman ang nagre-recommend sa akin. Noong March hindi siya nanonood ng K-drama, ngayon ang dami niyang sinasabi sa akin, 'You have to watch this guy, you have to watch this.'”

Kumukuha man sila ng inspirasyon mula sa K-drama, pangako nina Lovi at Benjamin na refreshing pa rin ang kanilang mapapanood sa Owe My Love.

Ani Ben, “We can't wait to interpret it in our own, na very Pinoy, very Kapuso.”

Ang star-studded cast ng Owe My Love ay binubuo nina Aiai Delas Alas, Winwyn Marquez, Leo Martinez, Nova Villa, Jackie Lou Blanco, Ruby Rodriguez, Mike “Pekto” Nacua, Ryan Eigenmann, Buboy Villar, Kiray Celis, Jelai Andres, Jon Gutierrez, Jason Francisco, Divine Tetay, Donita Nose, and Mahal.