Around GMA

Article Inside Page

Tatlo sa apat na co-hosts ni Willie Revillame ngayon sa Wowowin ngayon ay mga nakoronahang beauty queens.

Kamakailan, ipinakilala bilang regular co-hosts ng Kapuso variety game show sina Miss Philippines Fire 2009 Patricia Tumulak at Miss Globe 2017 first runner-up Nelda Ibe.

Maliban sa kanilang dalawa, matagal-tagal na ring nagho-host sa programa si Miss Tourism International 2017 Jannie Alipo-on.

Nakararamdam kaya ng insecurity ang matagal nang co-host ni Willie na si Sugar Mercado?

Sa kanilang apat, si Sugar lamang ang hindi sumabak sa beauty pageant. Pero hindi raw ito isyu sa kanya.

Natatawa niyang komento sa exclusive interview ng GMANetwork.com, “Lalaban. Confident ako 'di ba. Mumshie, but happy-happy rin. Di papakabog ang lola.

“Ang tatangkad, ako pinakamaliit. Imagine-in mo, 'di ba, pero alam mo, laban naman sa balat.”

Nabanggit din ni Sugar na maayos ang pakikitungo nila sa isa't isa ng kanyang mga katrabaho.

Aniya, “Magkakasundo naman kami, okay kami, para kaming magbabarkada lang. Magkakalapit lang 'yung edad naming, so masaya. Nag-e-enjoy kami every day. Alam na namin na kami na magkakasama araw-araw, na talagang magkakapatid na kami, sisters na kami.”

Diin pa niya sa huli, “Ako kasi hindi ako mahirap pakisamahan.

“Ever since, kahit sinong kaharap ko, ako 'yung mag-a-approach kaya walang mahirap.”