Ang angkan ng mga Revilla ay kilala sa larangan ng showbiz at politika. Kilalanin ang mga Revilla na naging artista sa gallery na ito:
Ang showbiz legend at dating politician na si Ramon Revilla Sr. ay binansagan noon bilang "Hari Ng Agimat" dahil sa kaniyang action roles na kadalasan ay gumagamit ng anting anting o agimat tulad ng pelikulang 'Nardong Putik: Kilabot Ng Cavite' at 'Pepeng Agimat: Sa Daigdig Ng Kababalaghan.'
Nagsimulang gumanap sa mga pelikula si Bong Revilla noong 1980s at bumida rin siya sa ilang Kapuso shows gaya ng 'Idol Ko Si Kap,' 'Kap's Amazing Stories,' at 'Indio.'
Dating child actor ang anak ni Ramon na si Marlon Bautista. Nagsilbing direktor rin si Marlon sa mga pelikulang 'APO: Kingpin ng Maynila' at 'Bertud Ng Putik.'
Mula sa pagiging child actress, naging film producer rin ang anak ni Ramon na si Rowena Bautista-Mendiola. Ilan sa mga pelikulang kaniyang na-produce ay ang 'Kilabot at Kembot,' at 'Si Agimat at si Enteng Kabisote.'
Gaya ng kaniyang Ate Rowena, naging child star at film producer din si Andrea Ynares sa screen name na Andrea Bautista.
Bumida ang nakababatang kapatid ni Bong na si Princess Revilla sa "Jessa: Blusang Itim 2" kasama sina Gabby Concepcion at Cherie Gil.
Anak ni Ramon Revilla Sr. at Genelyn Magsaysay ang young actor na si Ramgen Bautista na mas kilala sa screen name niyang Ram Revilla. Pumanaw si Ram noong taong 2011 nang pasukin ng armadong lalaki ang kaniyang bahay.
Napanood ang anak ni Bong na si Bryan Revilla sa mga Kapuso shows na 'Click' at 'Mulawin.' Noong 2018 ay bumida siya sa kaniyang self-produced film na "Tres" kasama ang mga kapatid niyang sina Jolo at Luigi Revilla.
Dalawang beses na gumanap bilang mag-ama sina Bong at Inah Revilla sa pelikulang "Yes Darling: Walang Matigas na Pulis 2" at "Kapag Tumibok Ang Puso: Not Once, But Twice."
Gaya ng kaniyang kapatid na si Bryan, naging parte rin si Jolo Revilla ng cast ng 'Click.' Napanood rin si Jolo sa 'Idol Ko Si Kap,' 'Totoy Bato,' at 'Indio.'
Napanood sa 2012 teen-oriented Kapuso series na 'Teen Gen' ang anak ni Bong na si Gianna Revilla.
Naging host si Ramboy Revilla sa 'Kap's Amazing Stories Kids Edition' kasama si Jayda Avanzado.
Napanood si Luigi sa mga Kapuso series na 'Koreana,' 'Magic Palayok,' at 'Once Upon A Kiss.' Kasama rin niya ang mga kapatid niyang sina Bryan at Jolo sa pelikulang 'Tres.'