Meet Heaven Arespacochaga, ang nag-iisang anak ni Geneva Cruz sa kaniyang dating asawa na si Paco Arespacochaga, miyembro ng sikat na '90s band na INTRoVOYS. Ipinanganak si Heaven noong March 1996.
Si Heaven ay kasalukuyang naka-base sa Los Angeles, California at nagpupursige sa kaniyang sariling music career bilang isang independent hip hop artist.
Nananatili namang magkaibigan ang kaniyang mga magulang. Sa interview nina Geneva at Paco sa Sparkle GMA Artist Center online show na 'Just In,' ibinahagi ng dalawa na mabait at mapagmahal na anak si Heaven. Kuwento ni Geneva, proud na proud siya sa mga ginagawa ng kaniyang panganay na anak at sinusuportahan niya ito sa kahit ano pang pangarap nito sa buhay.
Higit pang kilalanin si Heaven sa gallery na ito:
How time flies! Binata na ang anak nina dating Smokey Mountain singer Geneva Cruz at former Introvoys drummer Paco Arespacochaga na si Heaven.
Si Heaven Arespacochaga ang anak ni Geneva Cruz sa kanyang dating asawa na si Paco Arespacochaga ng INTRoVOYS.
Hot at sexy na ngayon si Heaven! Fit at matipuno ang kanyang pangangatawan katulad ng kanyang inang si Geneva Cruz. Pag-ehersisyo ang kanyang libangan at ito ay makikita sa kanyang social media videos.
It’s in the genes. Nakuha rin ni Heaven ang kanyang hilig sa musika mula sa kanyang mga magulang na parehong musically-inclined. Nagsimula raw siyang matuto mag-drums noong tatlong gulang pa lamang siya.
Hindi lang sa drums nahumaling si Heaven; kumakanta rin siya kagaya ng kanyang ina na dating sikat na singer noong '90s dahil sa iba't ibang hit tulad ng “Anak ng Pasig.”
Sa katunayan, napabilang siya sa Mad Minute, isang bandang nabuo noong bagong taon ng 2014. Siya rin ang nagsilbing drummer ng grupo at nakapagtanghal na sila sa iba’t ibang bars at restaurants katulad ng House of Blues.
Aminado ang binata na meron silang pinagdadaanan bilang isang grupo ngunit nagpapasalamat siya sa lahat ng kanilang mga taga-suporta. Saad niya, “I have every bit of faith in my boys. We're a band, we've gone through countless frustrations. All this undying support has been huge for us.”
Maliban sa musika, lumalahok rin siya sa sports katulad ng basketball at American football. Isa siyang fan ng Seattle Seahawks na lumalaban sa pinakasikat na sporting event sa Amerika, ang “Super Bowl.”
Nakapagtapos si Heaven ng high school sa Herbert Hoover High School. Aniya, “On to the next stage in life. We have many, many years ahead of us Class of '14.” Ngayon ay kumukuha siya ng kursong Nursing sa Marian College of Nursing sa Los Angeles, California.
Proud parents sina Paco Arespacochaga at Geneva Cruz, kasama ang dating boyfriend ng singer-actress na si KC Montero, sa kanilang panganay na anak. Lingid sa kaalaman ng karamihan, maayos ang kanilang pakikitungo sa isa't isa. Sa katunayan, magkakaibigan silang lahat.
Sweet na sweet at malapit itong si Heaven sa kanyang ina. Pinatunayan ito ni Geneva sa pamamagitan ng kanyang Facebook post, “Hearing your voice & looking at your face always bring light into my days. I'm so proud of you that it makes me proud of me. I hope you know that, son. I [love you].”
Ito na ngayon sina Geneva at ang kanyang six-foot-tall son na si Heaven. Ibinahagi niya pa ang mga magagandang katangian ng panganay na anak, "I love my son. I love his individualism and creativity. He's an independent thinker, a hard worker [who is] full of kindness, and for the most part, [has] good judgment. I can't believe I really now have a 19-year old. I love it, and I love being a momma!"
Siya na mismo ang nag-aalaga sa nakakabatang kapatid na si London mula sa dating Filipino-Australian fiancé ni Geneva na si Lee Paulsen. Meron talaga siyang soft spot para sa kanyang limang kapatid, “I love all my siblings equally. Being a half-sibling or step-sibling does not matter in my book, because regardless, I will let them know that they can count on their older brother.”
Malapit si Heaven sa kaniyang pamilya, lalong-lalo na sa kaniyang ina at yumaong lola.
Hindi naging hadlang ang paghihiwalay noon ng kanyang mga magulang dahil maayos pa rin ang kanyang relasyon sa amang si Paco, “[He] has stepped up during my teenage years from the time I started living with him at the age of 14.”
Hindi man naging perpekto ang pamilyang kinalakihan niya, nagpapasalamat pa rin si Heaven na naging dalawa ang kanyang kinikilalang ama. Aniya, “Living with divorced parents or parent isn't easy, but having dads that work as a team instead of who gets the glory as the father definitely helped a whole lot.”
Habang lumalaki, natutuwa raw siya sa mga bagong taong nakilala niya ngunit hindi niya pa rin nakakalimutan ang kanyang mga kaibigan noon. Ang litrato na ito ay kinunan nang nagtatrabaho pa siya sa isang restaurant bilang isang dietary aide kasama ang kanyang mga nakatrabaho, “I wanted you to know that you made an impact in who I am today.”
Close na close si Heaven sa bunsong kapatid na si London.
Madalas din niyang i-lunch date ang ina at kapatid.
Magkakasama sina Geneva, Heaven at London na nag-celebrate ng Thanksgiving noong 2018.
Sa ngayon ay isang budding independent rap artist ang anak nina Geneva at Paco na si Heaven Arespacochaga. Ayon sa kanyang ina, “Heaven is a great composer. Most of the time, siya yung gumagawa. He's a producer, arrangers, songwriter.”
Ibinahagi ng ama ni Heaven na si Paco na ang tattoo nito sa dibdib ay pangalan ng lahat ng kanyang kapatid.
Kasalukuyang nananatili si Heaven sa LA para i-pursue ang kanyang music career.
Puno ng papuri ang mga magulang ni Heaven na sina Geneva at Paco dahil sa kanyang mga achievements.
Noong 2021, sa kaniyang birthday month, ini-release ni Heaven ang kaniyang bagong single na "New Beginnings."
Heaven also posts interviews with different people.
Heaven shared the relationship he had with his two fathers, Paco and KC.
"My dad and step dad's co-parenting skills were off the charts during the 2000s and 2010s!"
Maraming humanga sa fit na pangangatawan ni Heaven Arespacochaga.
Ilan sa kaniyang mga posts ay nagpapakita ng kaniyang pagiging sweet na kuya.
Sa Instagram account ni Heaven Arespacochaga, makikita ang kaniyang pagpupursige sa kaniyang music career.
Proud si Heaven sa milestones ng kaniyang bagong single na kinanta niya nang live sa Wish Bus USA.
Kahit na malayo siya sa kaniyang pamilya sa Pilipinas, very close si Heaven sa kaniyang lola na tinatawag niyang “mama" kaya naman labis niyang ikinalungkot ang pagpanaw nito.
Maliban sa pag-pursue ng kaniyang music career, abala rin si Heaven sa kaniyang trabaho bilang direct sales agent sa isang automobile services company. May degree rin siya sa nursing.