Naging kontrobersiyal ang paglisan ng dating sexy actress na si Krista Ranillo sa industriya ng showiz noong 2010 matapos niyang magpakasal sa Filipino-American businessman na si Niño Lim.
Matapos ang mahigit isang dekada na wala sa limelight ng showbiz, kumusta na kaya si Krista ngayon?
Si Krista Ranillo ay mula sa isang showbiz family. Anak siya ng aktor na si Mat Ranillo III at apo ng King and Queen of Visayan Movies na sina Mat Ranillo Jr. at Gloria Sevilla. Pamangkin siya ng aktres na si Suzette Ranillo.
Nagsimula siya sa paglabas sa ilang mga soap opera ngunit hindi nagtagal ay binago ni Krista ang kanyang image at gumanap bilang sexy actress sa ilang pelikula.
In demand si Krista sa mga sexy magazines at naging cover na rin ng ilan sa mga ito, kasama na ang FHM at Maxim.
Naging kontrobersiyal si Krista nang kumalat ang tsismis na nagkaroon siya ng relasyon sa boksingerong si Manny Pacquiao na may asawa at mga anak na. Nagka-trabaho sila ni Manny sa pelikulang 'Wapakman.'
Sa kabila ng kontrobersiya at patuloy niyang pagsikat, nilisan ni Krista ang showbiz noong 2010.
Ikinasal si Krista kay Nino Jefferson Lim sa isang pribadong wedding ceremony sa Long Beach, California noong 2010.
Ang asawa ni Krista na si Nino ay CEO ng supermarket chain na Island Pacific at napabilang sa '40 Under Forty' list San Francisco Business Times.
Tumutulong si Krista sa ilang aspeto ng supermarket business ng kanyang asawa na may mahigit sampung branches na sa Amerika.
May limang anak na si Krista sa kanyang asawang si Niño.
Ang panganay ni Krista ay si Nate na 11 years old.
Mag-10 years old naman ang ikalawang anak ni Krista na si Nolan sa July.
Ang unica hija ni Krista ay ang eight-year-old na si Natalie.
Si Nash ang ikaapat na anak nina Krista at Niño na ngayon ay five years old na.
Ang bunso ay si Nyles na ipinanganak noong 2019.
Kahit na lima na ang anak ni Krista, tila dalaga pa rin tingnan ang 37-year-old mom.
Matapos ang mahabang lockdown sa California dahil sa COVID-19 pandemic, nakabalik na sa "happiest place on earth" si Krista at ang kanyang pamilya.
Mula sa aventure parts hanggang sa mga zoo, ppinapayagan ni Krista ang kanilang mga anak na mag-explore.
Nakilala niyo ba ang mga karakter nina Krista at ng kanyang limang anak na mula sa larong Mario Kart?
Hindi biro ang magpalaki ng limang anak lalung-lalo na noong kasagsagan ng pandemya. Sulat ni Krista, "This motherhood gig is really crazy, endless rounds of fighting, endless homework, endless worries, endless mom mom MOOOOOOOOOM." Sa kabila nito, ang kanyang mga anak pa rin ang maituturing niyang "favorite people."
Tulad ni Krista, sa Amerika na rin nakatira ang kanyang amang si Matt Ranillo III.
Narito ang larawan ng mga pamilya nina Krista at Nino sa Amerika.
Malayo sa mga intrigang iniwan niya sa Pilipinas, masaya at tahimik na ang buhay ni Krista kasama ang kanyang pamilya sa California.