WATCH: Gabbi Garcia, pinuri ni Emmy award-winning TV producer Mike Carandang sa kanyang fashion shoot sa France

Sunod-sunod ang blessings na dumadating sa karera ng 18-year-old Kapuso star na si Gabbi Garcia. Bukod sa dream come true ang 'Making Mega in France' shoot niya, gagawin pa itong documentary film at ibibida sa Berlin Fashion Film Festival sa Oktubre.

“I’m very excited and challenged also. I’m very confident that it would turn out pretty much nice [because] everyone really worked hard for it,” saad ng fashion “It” girl sa 24 Oras.

Napakanatural raw ng aktres sa harap ng kamera kaya kumportable rin ang staff na makatrabaho ang dalaga sa kanilang high fashion shoot sa Nice, Monaco at Paris.

Puri ni Emmy award-winning TV producer Mike Carandang na siyang nag-direk ng 'Making Mega in France,' “She’s very young, but she’s not afraid to be herself, and I think iyon ang nakakatuwa when you’re around her.”

Bukod dito, naghahanda na rin ang Sunday PinaSaya star sa kanyang pagrampa sa darating na Philippine Fashion Week, suot ang mga obra ng kanyang fashion designer friend na si Mark Bumgarner.