Felipe Marasigan, isa sa mga Mister Supranational Influencer finalist
Around GMA
Around GMA
Pag-withdraw ng OVP ng malaking halaga ng pera, 'unusual,' ayon sa dating LandBank manager BTS to skip 2027 Grammy Awards Marcos inspects housing project in Duterte stronghold Davao CityArticle Inside Page
Showbiz News
Ito na ang pangatlong challenge kung saan naging finalist si Mister Supranational Philippines Felipe Marasigan.
Ilanga raw na lang bago ang Mister Supranational finals night, at mukhang patuloy na namamayagpag si Mister Supranational Philippines Felipe Marasigan dahil finalist na naman siya sa isa sa mga challenge ng pageant.
Ibinahagi ng Mister Pilipinas Worlwide organization na isa si Felipe sa mga nanalo sa Mister Supranational Facebook Influencer opportunity. Sa caption ng kanilang post, pinasalamatan ng organization ang lahat “who liked, shared, and showed their support for Felipe.”
Related gallery: Here are your 2026 Mister Pilipinas Worldwide winners
Isa lamang ito sa mga challenge kung saan namayagpag si Felipe. Kamakailan lamang ay pinangalanan siyang isa sa top five finalists sa SupraModel of the Year 2026 competition. Sa caption ng post, sinabi ng organization na “Felipe showcased his calm and confident presence throughout the competition, making his mark on the Mister Supranational stage while proudly representing the Philippines.”
Maliban diyan parte rin si Felipe ng finalists ng Mister Supranational Supra Chat series.
Ang iba pang mga finalist ay sina Mister Supranational Brazil Danton Murilo, Mister Supranational China Daniel Li, Mister Supranational Puerto Rico Lazzaro Ortiz, Mister Supranational Korea Kim Taewoo, Mister Supranational Zambia Luay Kalisilira, Mister Supranational Thailand Jack Titus, Mister Supranational US Marco Ybarra, Mister Supranational Nepal Mridul Acharya, at Mister Supranational Mexico Gabriel Castañeda.
Nag-abot ng congratulations ang organization sa grupo para sa kanilang “voices, passion, and authenticity”, at nanawagan sa kanilang mga follower na ibahagi kung sino ang kanilang sinusuportahan sa comments section.
Ang overall winner ng Supra Chat series ay magiging parte ng top 20 ng Mister Supranational 2026.
Isa si Felipe sa 11 winners na pinangalanan noong Mister Pilipinas Worldwide finals night na ginanap noong April 15 sa Bigger Pictures sa Mandaluyong City.
Ang iba pang mga nanalo ay sila Mister Pilipinas Manhunt Supermodel 2026 JP Gundayao, Mister Pilipinas International 2026 John Wayne Alba, Mister Pilipinas Global 2026 MJ Ordillano, Mister Pilipinas Eco International 2026 Godfrey Murillo, Mister Pilipinas Cosmopolitan 2026 John Bonifacio, Mister Pilipinas Worldwide 2026 Jason Lopez, at Mister Pilipinas 2026 Enzo Bonoan. Ang mga runner up naman ay sila first runner-up Zach Russell, second runner-up Gian Guidicelli, at third runner-up Cas Villones.
Ilang challenges din ang hinarap ng mga lalaki noong pageant, tulad ng summer photoshoot kasama ang local fashion brand na Bench, isang swimsuit photoshoot, isang fashion photoshoot, isang sports fashion photoshoot, at ang Glen magazine cover boy photoshoot.
Related gallery: Check out the swimsuit photos of this year's Mister Pilipinas Worldwide contestants
Layunin ni Felipe na makakuha ng mas mataas na ranking kumpara sa mga nakaraang Mister Supranational representatives na sila Kenneth Cabungal, Brandon Espiritu, at Johannes Rissler. Fourth runner-up si Kenneth noong 2025 pageant, habang si Brandon naman ay second runner-up noong 2024 pageant. Si Johannes Rissler ay umabot sa top 20 noong 2023 pageant.
