Around GMA

Article Inside Page

Action-packed ang Wednesday episode ng Family Feud dahil maghaharap ang dalawang grupo ng Filipino martial artists, stunt directors, performers, and coaches.

Ngayong July 15, maglalaro ang Team Pinoy Trickers na binubuo ng mga atleta at performers na eksperto sa tricking. Ang tricking ay isang sport na pinagsasama ang martial arts, gymnastics, at dance para makagawa ng mga nakakabilib na aerial moves at acrobatic routines.

Maglalaro sa grupo si Jori Villaraza, tricking practitioner of 15 years, coach, stunt director and coordinator na naging bahagi ng mga proyektong Black Rider, Lolong, at Voltes V: Legacy The Cinematic Experience. Isa rin siyang medalist sa jiu-jitsu sa 2023 Southeast Asian Games.

Kasama rin niya sina Ainge Datiles, isang coach na mahigit sampung taon nang nasa tricking; Matt Tirador, isang gym coach na pitong taon nang practitioner ng tricking; at Mark Bahian, isang stunt coordinator na kabilang din sa mga production ng Lolong, Black Rider, at Voltes V: Legacy.

PHOTO SOURCE: Family Feud

Makakatapat nila ang Muay Thai Masters na binubuo ng mga coach at stunt performer na matagal nang nagsasanay sa Muay Thai.

Kabilang sa team sina Felix Victor Cawit, isang stunt coordinator at performer na lumabas na rin sa mga serye at pelikulang gaya ng Lolong at Black Rider; John Rendel Ramos, isang Muay Thai coach na nagtuturo sa mga baguhan; at mga stunt performer na sina Reymark Estrella at Armando Buscato.

Tutok na sa action-packed fresh episode ng Family Feud ngayong July 15, 5:35 p.m. sa GMA at sa Kapuso Stream.

Huwag kalimutang sumali sa “Guess More, Win More” promo ng Family Feud! Manood lamang ng Family Feud para sa pagkakataong manalo ng papremyo araw-araw. Tutok na Lunes hanggang Biyernes sa Family Feud para sa kabuuang detalye.