Around GMA

Article Inside Page

Naimbitahan ang fitness coach at motivational speaker na si Rendon Labador para tulungan ang mga kapulisan na maging fit at healthy.

Sa Facebook reel na pinost ni Rendon sa kaniyang page, makikita ang fitness influencer at vlogger na nasa himpilan ng Philippine National Police sa Camp Crame sa Quezon City. Makikita rin sa video na kausap niya ang media.

Sa video interview na shinare ni Rendon sa kaniyang Facebook page, sinabi niyang lumapit sa kanya si Police Brigadier General (PGGEN) Marvin Joe C. Saro para sumangguni kung papaano mapapaliit ang tiyan ng mga kapulisan.

Pagbabahagi ni Rendon, “Ang ginagawa daw kasi nila, kaniya-kaniya. So meron silang time, meron silang ginagawang programa, na meron silang kaniya-kaniyang pipiliin na exercise kung ano 'yung gusto nila.”

TINGNAN ANG HOTTEST KAPUSO LEADING MEN NA PERFECT MAGING FITSPIRATION:

Ngunit pag-amin umano sa kaniya ng heneral ay hindi epektibo ang ginagawa nilang physical exercises tulad ng pagbabasketball at pagzu-zumba. Dahil hindi sama-sama, kadalasan ay nawawala ang motivation at tinatamad mag-work out.

Kaya ang isa sa mga solusyon ng fitness coach, “Gagawin natin ngayon, sabay-sabay, pare-pareho, at babantayn natin 'yung resulta.”

Para naman sagutin ang inisyal na tanong ni PBGEN Saro, iminungkahi ni Rendon na magbawas na ang mga kapulisan sa pagkain ng kanin.

“Kasi kahit anong work-out natin, siyempre, kung hindi mo sasabayan ng tamang nutrition, baliwala din 'yung gagawin natin. So ang unang suggestion ko sa lahat ng mga pulis, magbawas po kayo ng kanin,” sabi ni Rendon.