Rochelle Pangilinan shares safe workout routine during quarantine
Dahil karamihan sa publiko ay nakakulong sa kani-kanilang bahay upang makatulong sa pagsugpo at pagkalat ng 2019 coronavirus disease (COVID-19). marami tuloy ang naghahanap ng mga bagay na maari nilang magawa indoors.
At ang pinaka-produktibo na puwedeng pampalipas oras ay ang pag-eehersisyo. Ngunit hindi dapat basta-basta na lang mag-workout dahil may wastong proseso ang paggawa ng iba't ibang klase ng exercise.
Ayon kay Kapuso actress Rochelle Pangilinan, kung magwo-workout, hindi dapat binibigla ang katawan.
“Isa pa 'yung technique, dapat gradual. Hindi mo puwedeng biglaan kasi mahirap nang maaksidente,” aniya.
“Dati nu'ng nagsisimula ako, unti-unti. Ang ginawa ko, three times a week, every other day or kaya ngayon nagfa-five times a week na ako. Tapos 'yung sets niya, ginagawa kong two sets, 10 to 12 repititions, okay siya,” dagdag pa niya.
Narito ang quarantine workout routine ni Rochelle:
· Brisk Walking
· Squats
· Jumping Jacks
· Use of water bottles as dumbbell replacement
· Stretching
Samantala, kasalukuyang sumasailalim ang buong Luzon sa enhanced community quarantine kung saan ipinagbabawal ang paglabas ng bahay, suspensiyon ng lahat ng mass transportation, pagsasara ng mga establisyimento at 8:00 pm hanggang 5:00 am curfew na tatagal hanggang April 12.
Panoorin ang buong 24 Oras report;
Kung nais mong makibahagi sa mga ginagawang hakbang ng GMA Network para mapigilan ang pagkalat ng COVID-19, bisitahin lamang ang https://www.gmanetwork.com/kapusofoundation/donate.
Related:
Rochelle Pangilinan's daughter Shiloh channels her inner Agane of Encantadia