Around GMA

Article Inside Page

Walang hanash! Isang 'di inaasahang sagupaan ang magaganap sa pagitan ng FlipTop Emcees at YouTube vloggers sa pinakamasayang family gameshow sa buong mundo, ang Family Feud.

Ang team The Poetic Squad ay binubuo ng mga premyadong FlipTop emcees na sina Tipsy D ng Bataan; K-Ram ng Dasmariñas, Cavite; Romano ng Cabanatuan City, at Manda Baliw ng Antipolo.

Hahamunin sila ng Team Hanash Pilipinas na pinangungunahan ng content creator, events host at isa ring licensed professional teacher na si Genel Llanes, co-host niyang si Nelmar Ongoco sa kanilang man-on-the-street quiz show na “Para sa Pera,” ang self-proclaimed “Disney Princess” na si Ghelai Salandanan, at ang sekretaryang si Jasfher Abrenalin.

Abangan ang nakatutuwang asaran at “espadahan ng mga salita” ng dalawang grupo. Alamin din kung pasado ba si Dingdong Dantes kung siya naman ang isasabak sa isang quiz, Hanash Pilipinas-style? At siyempre, sino kaya ang tatanghaling kampeon sa hulaan: ang The Poetic Squad o ang Team Hanash Pilipinas?

Abangan ang masayang sagupaan nila ngayong Martes, April 2, 5:40 p.m. bago mag-24 Oras sa GMA 7, kasama ang game master na si Dingdong. Puwede rin itong mapanood sa official Family Feud Facebook page. Worldwide rin itong napapanood via livestream sa official YouTube channel at sa GMA Network Kapuso Livestream.