Fumiya Sankai, bilib sa acting ni Kate Valdez sa 'Encantadia Chronicles: Sang'gre'
Around GMA
Around GMA
Trump wants nations to pay $1 billion to stay on his peace board, report says Girl, 7, hit, run over by pickup truck in Ilocos Sur; dies 'Heated Rivalry' star Hudson Williams makes runway debut at Milan Fashion WeekArticle Inside Page
Showbiz News
Proud boyfriend si Fumiya Sankai at bilib sa pag-arte ng kanyang girlfriend na si Kate Valdez.
Proud si Japanese vlogger at actor Fumiya Sankai sa muling pagganap ng kanyang girlfriend at Kapuso star na si Kate Valdez sa kanyang Encantadia Chronicles: Sang'gre character na si Mira.
Matatandaan na noong June 25 ay muling napanood sina Kate at Mikee Quintos bilang sina Mira at Lira, ang mga karakter na unang nilang ginampanan sa 2016 version ng Encantadia.
Sa Fast Talk with Boy Abunda nitong Biyernes, August 15, inamin ni Kate na sobrang na-miss niya ang pagganap sa naturang karakter. Ngunit hindi nagtagal ang kanilang mga karakter sa serye matapos silang paslangin ng hukbo ni Mitena (Rhian Ramos).
Dito, binalikan ni King of Talk Boy Abunda ang naging reaksyon ng netizens kung saan marami umanong nagalit sa kanilang biglang pagpanaw. Pag-amin naman ni Kate, ramdam na ramdam niya ang galit ng netizens.
“Pero nakakataba ng puso na grabe, hanggang ngayon, ilang years, nine years, mahal pa rin po kami ng mga Encantadiks. As in nandu'n pa rin 'yung bigat, 'yung emotion, 'yung pagmamahal nila. Minahal nila 'yung character namin ni Mikee na hanggang ngayon, talagang pinaramdam nila na hindi nila matanggap na wala na kami, 'yung character na minahal nila,” sabi ni Kate.
Samantala, tinanong naman ng batikang host si Fumiya kung gaano ito ka-proud sa girlfriend sa pagganap nito bilang si Mira.
Sagot ni Fumiya, “Sobrang amazing. Kasi, I went to [the] taping, I saw her acting in Encantadia, when I saw her acting, wow. Very good actress talaga.”
BALIKAN ANG SHOWBIZ CAREER AT TRANSFORMATION NI KATE SA GALLERY NA ITO:
Tinanong din ng batikang host kung ano na ang napag-uusapan ng celebrity couple tungkol sa kasal at pag-amin ni Kate, panahon na nga naman na pag-usapan nila ito. Ngunit aniya, hindi naman sila nagmamadali na ikasal.
“We're taking our time, Tito Boy, pero we're still focusing on our career. Papunta naman du'n pero we're still enjoying our time,” sabi ni Kate.
Sang-ayon naman si Fumiya dito at sinabing alam nilang darating ang tamang panahon para dito.
“That's why right now, we focus on ourselves. Pero like siyempre like I want to be with her,” sabi ni Fumiya.
Panoorin ang panayam kina Kate at Fumiya dito:
