Around GMA

Article Inside Page

Kabilang ang Kapuso stars na sina Gabbi Garcia at Mavy Legaspi sa mga sobrang excited na sa muling pagbubukas ng Bahay Ni Kuya.

Sa naging panayam ng GMANetwork.com kasama ang iba pang internal press, sinagot nina Gabbi at Mavy ang tanong kung kumusta sila bilang hosts ng Pinoy Big Brother.

Ayon sa Kapuso It Girl Ni Kuya, sobrang na-e-enjoy niya ang kanyang hosting journey.

Pahayag niya, “Super enjoy, I feel like people get to know me better when I became one of the Pinoy Big Brother hosts. Yes, we have a script but it is a reality show so anything can go. Pati kami hindi rin namin pwedeng gawin na stiff 'yung mga sarili namin as hosts kasi kailangan maka-adapt kami kaagad kung ano ang nangyayari sa loob ng Bahay [Ni Kuya].”

Sabi pa ni Gabbi, looking forward pa siya sa happy moments kasama ang kanyang co-hosts sa naturang palabas.

“I feel like my personality ay mas nalalabas sa PBB… Looking forward for more kakwelahan, kakulitan. It's really fun,” ayon sa Sparkle actress-host.

Sabi naman ni Mavy, “It's about enjoying the experience and really getting to know myself even more.”

“That's really true ah, hindi 'yun shallow. You really get to know yourself better with your capabilities and the way you interact with people,” dagdag pa niya.

Samantala, mapapanood muli sina Gabbi at Mavy bilang hosts sa pagbubukas ng Bahay Ni Kuya para sa Pinoy Big Brother Celebrity Collab Edition 2.0.

Huwag palampasin ang pagsisimula ng panibagong season, ngayong October 25 na.

Related gallery: The Big ColLove Fancon