Gazini Ganados, patuloy ang suporta sa Palestine sa MGI All Stars
Around GMA
Around GMA
Typhoon Domeng continues northwestward movement over Philippine Sea Farm to Table: Classic Pinoy dishes Gazini Ganados needs 100k votes for MGI All StarsArticle Inside Page
Showbiz News
Dati nang ibinahagi ni Gazini Gandos na bumalik siya sa pageantry na isang 'woman not divided by heritage, but empowered by it'.
Patuloy ang pagpapakita ng suporta ni Sparkle artist Gazini Ganados sa kaniyang Palestinian heritage sa patuloy niyang laban para maging kauna-unahang MGI All Stars winner.
Nag-upload ng ilang pictures si Gazini sa kaniyang Instagram account kung saan suot niya ang isang red suit na gawa ng designer na si Mark Bumgarner. Kita rin sa mga picture ang parte ng suit na ginagamit ang keffiyeh, isa sa mga simbolo ng Palestinian liberation movement.
Ito ang isinulat ni Gazini sa caption ng post: “A quiet kind of strength, but a voice that reaches far beyond the lights.”
Ang Mark Bumgarner suit na ito ay isa lamang sa stylish ensembles na sinuot ni Gazini habang lumalaban sa MGI All Stars pageant.
Related gallery: Check out Gazini Ganados' fashion at MGI All Stars
Noong MGI All Stars sashing ceremony, golden bikini ang suot ni Gazini sa runway, at sinundan niya ito ng isang sparkly dress na gawa ng designer na si Pam O' Keefe. Sa Instagram, sinabi ni Gazini na “starstruck” siya sa sashing ceremony, at hindi pa siya maka get over sa “magic, the energy, and the moment.”
Bago ang sashing ceremony, inupload ng Miss Grand International organization ang halos two-minute long introduction video ni Gazini, kung saan ibinida ang iba't ibang lugar sa bansa. Kasama rin sa video ang eksena ng mga sakuna na tumama sa Pilipinas, at pati na rin ang patuloy na digmaan sa Palestine.
Sa Reel, inilarawan ni Gazini ang sarili bilang “a woman not divided by heritage, but empowered by it”, isang reference sa kanyang status bilang Filipina-Palestinian. Inilarawan din ni Gazini ang sarili bilang “a story still unfolding.”
Sa one-on-one interview niya sa GMA Lifestyle, ibinahagi ni Gazini na ang kaniyang ama ang nagsabi tungkol sa bigat ng sitawasyon ngayon Palestine, na siya namang nagdulot ng kanyang healing, evolving, at pagintindi sa kanyang sarili.
“The past year has allowed me to grow and heal and understand myself beyond the titles, beyond the glitz and glam,” paliwanag niya. “I am ready to represent myself, my identity, with intention, and that is as a Filipina-Palestinian, who is still experiencing the gravity of the war in Palestine.”
Nangako din si Gazini na makakaasa ang kaniyang fans at supporters ng magandang performance mula sa kaniya.
“I am more excited because this time around, I know myself more, my core, my values, my identity, especially my purpose,” sabi niya. “I am more prepared physically, mentally, and emotionally this time. I've discovered so much of my self already and I am going to share that with the global stage this time around.”
Related gallery: Gazini Ganados is ready to be the first MGI All Stars winner
Maliban kay Gazini, meron pang ibang mga beauty queen na dala ang bandila ng Pilipinas. Nariyan sila Imelda Schweighart, Keylyn Trajano, Alexia Nuñez, at Fuschia Anne Ravena.
Mangyayari ang coronation night ng MGI All Stars sa May 30.
