Mahigit dalawang taon na ang nakalipas mula nang unang isinailalim ang Pilipinas sa community quarantine dahil sa banta ng COVID-19.
Noong itinigil ang tapings, shootings, at ilang events, gumawa ng kanya-kanyang paraan ang ilang celebrities para mas maging makabuluhan ang kanilang home quarantine.
Muling balikan ang naging activties ng celebrities na ito sa unang araw ng community quarantine.
Para kay Kiray Celis, susulitin niya ang mga araw na walang taping para makasama niya ang kanyang pamilya at para mapanood ang kanyang Korean crush na si Hyun Bin sa 'Crash Landing On You.'
Magandang pagkakataon din para sa 'Unang Hirit' host na si Lyn Ching ang home quarantine para makasama niya ang kanyang mga anak, matapos ma-extend ang suspensyon ng klase sa lahat ng antas ng paaralan sa Metro Manila. Aniya, perfect time din ito na mas mapanatili ang pagiging healthy. Regular na may running and walking session si Lyn sa kanilang village pero, aniya, dapat pa rin ugaliin ang social distancing.
Dahil kailangang iwasan ang paglabas ng bahay, ginawang gym ng modelong si Bubbles Paraiso ang kanyang living room para sa month-long community quarantine.
Inilunsad ni Sam Pinto ngayong araw, March 15, ang kanyang clothing line na Finn by SP online. Ayon sa kanyang Instagram post, magandang ideya ang online shopping lalo na ngayon na ipinapagbabawal ang paglabas ng bahay.
Good vibes naman ang hatid ni Kristoffer Martin ngayong unang araw ng community quaratine. Sa Instagram, ibinahagi niya ang kanyang TikTok video kung saan makikitang sumasayaw siya nang topless.
Ipinagdiwang naman ni Mariel Rodriguez ang milestone ng kanyang pangalawang anak na si Gabriela sa asawang si Robin Padilla. Four months na ngayong March 15 si Gabriela.
Ginugol ni Alice Dixson ang unang araw ng community quarantine sa pamamagitan ng pagbabahagi ng kaalaman kung paano maiiwasan ang COVID-19 sa social media.
Hindi man makalabas, humanap pa rin ng oras si Joyce Pring para makapagsimba ngayong Linggo sa pamamagitan ng online streaming ng religious services.
Tuloy ang papapasaya nina Ate Gay at Boobay online. Sa pamamagitan ng kani-kanilang social media accounts, ni-recreate nila ang ilang eksena ng Pinoy classic films.
Bukod sa pakikipag-bonding sa kanyang unico hijo na si Baltie, ginugol ni Isabelle Daza ang kanyang unang araw ng community quarantine sa pagbabasa ng libro.