WATCH: Dingdong Dantes nag-a la Santa Claus sa fun run
Sa layong makalikom ng pondo para sa mga nasalanta ng Bagyong Tisoy, nag-a la Santa Claus si Kapuso Primetime King Dingdong Dantes sa Santa run, isang fun run na ginanap sa Aseana City sa Parañaque, kahapon, Disyembre 8.
Nakadamit na pang-Santa Claus ang daan-daang lumahok sa fun run na simbolo raw ng pagbibigayan tuwing ipagdiriwang ang Kapaskuhan.
Bukod pa rito, nakadagdag aliw din sa event ang pagtugtog ng musiko ng mga Christmas carols.
Samantala, ibinahagi ni Descendants of the Sun (The Philippine Adaptation) lead star mas naramdaman niya ang diwa ng Pasko dahil dito.
“Nakakatuwa kasi talagang Paskong-Pasko. Ang dami ng runners na nakapula pero more to it, makabuluhan ang pag-participate nila,” pahayag ng Amazing Earth host.
Ido-donate ang nalikom na pondo sa mga nasalanta ng Bagyong Tisoy sa Monreal, Masbate.
Panoorin ang ulat ng 24 Oras dito: